Коран на табасаранском языке

Переводчик: Альберт Гаджикаибов

سُورَةُ نُوحٍ

Нюгь

Nooh - Noah

Сура 71Мекканская28 аятов
بِسْمِ اللَّهِ الرَّحْمَٰنِ الرَّحِيمِ

Альберт Гьяжикъаибов

Аллагьдин ччвурналан Мяргьяматлу, Рягьимлу!

71:1
إِنَّآ أَرْسَلْنَا نُوحًا إِلَىٰ قَوْمِهِۦٓ أَنْ أَنذِرْ قَوْمَكَ مِن قَبْلِ أَن يَأْتِيَهُمْ عَذَابٌ أَلِيمٌۭ

Альберт Гьяжикъаибов

Дугъриданра, гьаунча Учу Нюгь (пайгъамбарси ва расулси Учхьан вуйи) чан халкьдихьна (ва гъапунча): «Назирлу апIин яв халкь [улихьмиди хабар дебкк дурариз], гъяйиз дурарихьна аьгь апIуз даршлу аьзаб (дюн’яйиъра ва Аьхиратдиъра)!»

71:2
قَالَ يَٰقَوْمِ إِنِّى لَكُمْ نَذِيرٌۭ مُّبِينٌ

Альберт Гьяжикъаибов

Дугъу [Нюгьди] гъапну: «Гьей, йиз халкь! Дугъриданра, узу учвуз гъаврикк ккаърайи назирчи (улихьмиди учвуз хабар дебккрайир аьзабнакан Аллагьдин),

71:3
أَنِ ٱعْبُدُوا۟ ٱللَّهَ وَٱتَّقُوهُ وَأَطِيعُونِ

Альберт Гьяжикъаибов

учву ибадат апIбан бадали Аллагьдиз, ихтият апIбан бадали Дугъан (аьзабнахьан) ва мютIюгъ хьпан бадали узуз (фицики узу – гьаънайир [расул] Аллагьдин)!

71:4
يَغْفِرْ لَكُم مِّن ذُنُوبِكُمْ وَيُؤَخِّرْكُمْ إِلَىٰٓ أَجَلٍۢ مُّسَمًّى ۚ إِنَّ أَجَلَ ٱللَّهِ إِذَا جَآءَ لَا يُؤَخَّرُ ۖ لَوْ كُنتُمْ تَعْلَمُونَ

Альберт Гьяжикъаибов

(Ва эгер учву мютIюгъ хьп’инди узуз, кьабул гъапIиш йиз дяъват, думуган) хил алдабгъиди Дугъу [Аллагьди] саб пай ичв гунгьарилан ва кьяляхъназ гъибтди учвуз (ичв аьжал) [ичв уьмур ярхи апIиди] саб флану кьадар. Дугъриданра, гъафи вахтна аьжал Аллагьдихьан, – тувидар мюгьлет (саб ткисибкьан). Эгер учвуз аьгъю гъабхьнийиш (дидкан, хъчIихидийчва Имандихъан ва мютIюгъ хьидийчва Аллагьдиз)!»

71:5
قَالَ رَبِّ إِنِّى دَعَوْتُ قَوْمِى لَيْلًۭا وَنَهَارًۭا

Альберт Гьяжикъаибов

Гъапну дугъу [Нюгь пайгъамбри]: «Первердигар йиз, узу дяъват апIури гъахьунза йиз халкьдиз йишвнура ва йигънура,

71:6
فَلَمْ يَزِدْهُمْ دُعَآءِىٓ إِلَّا فِرَارًۭا

Альберт Гьяжикъаибов

узу дяъват апIбахъ дурар гьергри гъахьну (Имандихьан).

71:7
وَإِنِّى كُلَّمَا دَعَوْتُهُمْ لِتَغْفِرَ لَهُمْ جَعَلُوٓا۟ أَصَٰبِعَهُمْ فِىٓ ءَاذَانِهِمْ وَٱسْتَغْشَوْا۟ ثِيَابَهُمْ وَأَصَرُّوا۟ وَٱسْتَكْبَرُوا۟ ٱسْتِكْبَارًۭا

Альберт Гьяжикъаибов

Ва дугъриданра, гьарсаб ражну узу дурариз дяъват апIуз хъюгъюбси (текелифар диври Яв рякъюхъна), (дид’инди) Уву хил алдабгъбан бадали (дурарин гунгьарилан), дурари чпин тIубар урччвуйи ибариъ [деребкруси чпиз дяъват], ва илирчуйи кIуллансина (чпин) палтар (узу дярякъруси чпиз), ва ижмиди дийигъуйи (хътругъри), ва улупури шуйи гужли такабурвал (кьабул дарапIри Гьякь Иман).

71:8
ثُمَّ إِنِّى دَعَوْتُهُمْ جِهَارًۭا

Альберт Гьяжикъаибов

Хъасин узу дяъват апIуз хъюгъюнза дурариз [йиз халкьдиз] ачмишди (дурарикан гьарурихьан хъугъуз шлуси).

71:9
ثُمَّ إِنِّىٓ أَعْلَنتُ لَهُمْ وَأَسْرَرْتُ لَهُمْ إِسْرَارًۭا

Альберт Гьяжикъаибов

Хъасин узу [саспиган] илтIикIури гъахьунза дурарихьинди ачухъди ва (саспиган) гафар-чIалар апIури гъахьунза дурарихъди жиниди [сарна-сарди]

71:10
فَقُلْتُ ٱسْتَغْفِرُوا۟ رَبَّكُمْ إِنَّهُۥ كَانَ غَفَّارًۭا

Альберт Гьяжикъаибов

ва кIури гъахьунза (узу) (йиз халкьдиз): «Хил алдабгъ йипай (ичв гунгьарилан) Первердигариз ичв (илтIикIай Дугъахьинди туба апIури), (фицики) Думу хил алдабгърур ву (туба апIури чахьинди илтIкIурайидарилан),

71:11
يُرْسِلِ ٱلسَّمَآءَ عَلَيْكُم مِّدْرَارًۭا

Альберт Гьяжикъаибов

(ва хъасин, учву туба апIбахъан ва гунгьарилан хил алдабгъ кIубхъан) Дугъу гьаъди учв’ина завариан (бегьемди) [амсар (дифар)] мархьлин,

71:12
وَيُمْدِدْكُم بِأَمْوَٰلٍۢ وَبَنِينَ وَيَجْعَل لَّكُمْ جَنَّٰتٍۢ وَيَجْعَل لَّكُمْ أَنْهَٰرًۭا

Альберт Гьяжикъаибов

ва кюмек апIиди учвуз девлетнан ва бицIидарин гьякьнаан [артухъ апIиди дурар], ва дюзмиш апIиди учвуз (жилиин) багълар, ва дюзмиш апIиди учвуз нирар.

71:13
مَّا لَكُمْ لَا تَرْجُونَ لِلَّهِ وَقَارًۭا

Альберт Гьяжикъаибов

Гьаз учву (гьей, инсанар) умуд киврадарчва заанвалик Аллагьдин [гьаз гучIурадарчвуз Дугъан заанвалихьан]?

71:14
وَقَدْ خَلَقَكُمْ أَطْوَارًا

Альберт Гьяжикъаибов

(Фицики) Дугъу халкь гъапIну учву (гъянариъ ичв бабарин) [литIанси, даласи, йиккун ткиси, хъасин кIараб ибшуз гъитну ва дид’ин йикк алапIну] сабсабдихъди.

71:15
أَلَمْ تَرَوْا۟ كَيْفَ خَلَقَ ٱللَّهُ سَبْعَ سَمَٰوَٰتٍۢ طِبَاقًۭا

Альберт Гьяжикъаибов

Яраб рябкъюрадайкIан учвуз, фици Аллагьди халкь дапIнаш ургуд завар жар-жарди [саб-сабдин зиин]?

71:16
وَجَعَلَ ٱلْقَمَرَ فِيهِنَّ نُورًۭا وَجَعَلَ ٱلشَّمْسَ سِرَاجًۭا

Альберт Гьяжикъаибов

Ва нурлуб гъапIну вазра душваъ [думу заварин айитI], ва ригъра гъапIну кабхьну убгурайи чирагъсиб.

71:17
وَٱللَّهُ أَنۢبَتَكُم مِّنَ ٱلْأَرْضِ نَبَاتًۭا

Альберт Гьяжикъаибов

Ва Аллагьди битмиш гъапIну учву ругдикан укIар-кIажарси [ругдикан халкь гъапIну Адам – инсаниятдин аба, ва инсан аьхю шула ва яшамиш шула жиликан ктубчIвурайиб ипIури],

71:18
ثُمَّ يُعِيدُكُمْ فِيهَا وَيُخْرِجُكُمْ إِخْرَاجًۭا

Альберт Гьяжикъаибов

хъасин гъахура учву кьяляхъ душвакна [ругдикна] (учву йикIбахъан) ва дугъриданра адаиди учву (душв’ан) (Гъиямат Йигъан).

71:19
وَٱللَّهُ جَعَلَ لَكُمُ ٱلْأَرْضَ بِسَاطًۭا

Альберт Гьяжикъаибов

Ва гъапIну Аллагьди учвуз жил халачиси [юкънакк ккипну],

71:20
لِّتَسْلُكُوا۟ مِنْهَا سُبُلًۭا فِجَاجًۭا

Альберт Гьяжикъаибов

учвхьан лицуз хъпан бадали душв’ин яркьу рякъяр вуйиси».

71:21
قَالَ نُوحٌۭ رَّبِّ إِنَّهُمْ عَصَوْنِى وَٱتَّبَعُوا۟ مَن لَّمْ يَزِدْهُ مَالُهُۥ وَوَلَدُهُۥٓ إِلَّا خَسَارًۭا

Альберт Гьяжикъаибов

Гъапну Нюгьди: «Первердигар йиз, дурар [йиз халкь] хъпехъундар узухъ ва чпин [улихь-кIулихь хьайидарин] девлетнаканна ва дурарин бицIидарикан чпиз айиб анжагъ зарал вушра, (зяифкрар) гьадрарин шилнаъди гъушну.

71:22
وَمَكَرُوا۟ مَكْرًۭا كُبَّارًۭا

Альберт Гьяжикъаибов

Ва (чпин шилнаъди гъюрайи зяифкрариз) аьмал гъапIну дурари [ургнайидарин улихь-кIулихь хьайидари] аьхю фенд ккади.

71:23
وَقَالُوا۟ لَا تَذَرُنَّ ءَالِهَتَكُمْ وَلَا تَذَرُنَّ وَدًّۭا وَلَا سُوَاعًۭا وَلَا يَغُوثَ وَيَعُوقَ وَنَسْرًۭا

Альберт Гьяжикъаибов

Ва гъапну дурари [ургнайидарин улихь-кIулихь хьайидари] (чпин шилнаъди гъюрайидариз): «Фу дапIнура мигъитанай ичв аллагьар [Аллагьдин ерина учву ибадат апIурайидар], мигъитанай фу дапIнура Ваддра, ва Суваъра, ва Ягъусра, ва Йауькьра, ва Насра!»

71:24
وَقَدْ أَضَلُّوا۟ كَثِيرًۭا ۖ وَلَا تَزِدِ ٱلظَّٰلِمِينَ إِلَّا ضَلَٰلًۭا

Альберт Гьяжикъаибов

Дугъриданра, дурари [ургнайидарин улихь-кIулихь хьайидари] хайлин (инсанар) ягъалмиш’валиъ тIаъну (уччвиди улупну дурариз кяфирвалин рякъ). Ва (хъасин Нюгь пайгъамбри гъапну): «Я, Аллагь! Хъа зулумкрариз, чпин улдугнайивалтIан савайи, гьич фукIа артухъ мапIан!»

71:25
مِّمَّا خَطِيٓـَٰٔتِهِمْ أُغْرِقُوا۟ فَأُدْخِلُوا۟ نَارًۭا فَلَمْ يَجِدُوا۟ لَهُم مِّن دُونِ ٱللَّهِ أَنصَارًۭا

Альберт Гьяжикъаибов

АлапIну дурариин шид чпин гунгьарихъанди ва тIаъну ЦIиъ [рюгьяр дурарин гъухну Жегьеннемдиз Гъияматдиз]. Ва гъидихъундар дурариз кюмекчйир, АллагьтIан ерина (ккадауз шлудар чпи Дугъан аьзабнаккан).

71:26
وَقَالَ نُوحٌۭ رَّبِّ لَا تَذَرْ عَلَى ٱلْأَرْضِ مِنَ ٱلْكَٰفِرِينَ دَيَّارًا

Альберт Гьяжикъаибов

Ва гъапну Нюгь (пайгъамбри) (илтIикIури дюаьчиди Аллагьдихьинди): «Первердигар! Мигъитан кяфирарикан жилариин гьич фужкIа.

71:27
إِنَّكَ إِن تَذَرْهُمْ يُضِلُّوا۟ عِبَادَكَ وَلَا يَلِدُوٓا۟ إِلَّا فَاجِرًۭا كَفَّارًۭا

Альберт Гьяжикъаибов

Дугъриданра, эгер Уву гъитиш дурар [кяфирар] (жилариин), алдаиди дурари Яв (хъугънайи) лукIар, ва дугъмишра апIидар гьич фужкIа, гунгьариин юкIв али кяфирартIан савайи.

71:28
رَّبِّ ٱغْفِرْ لِى وَلِوَٰلِدَىَّ وَلِمَن دَخَلَ بَيْتِىَ مُؤْمِنًۭا وَلِلْمُؤْمِنِينَ وَٱلْمُؤْمِنَٰتِ وَلَا تَزِدِ ٱلظَّٰلِمِينَ إِلَّا تَبَارًۢا

Альберт Гьяжикъаибов

Первердигар! Хил алдабгъ узлан ва йиз абйир-бабарилан, ва хъугънайидар вуди йиз хулазди лик ивдарилан, ва гьацира хъугънайи жиларилан [муъминарилан] ва хъугънайи дишагьлийирилан [муъминатарилан]. Хъа зулумкрариз гьич фукIа артухъ мапIан, пуч’валтIан савайи (гьаму дюн’яйиъси, Аьхиратдиъра)!»