Аллагьдин ччвурналан Мяргьяматлу, Рягьимлу!

Ккун гъапIну (сар) ккун апIурайири [cар бутпересди] улубкьуз ккайи аьзаб, (улубкьри кIури чаин ва чан халкьдиин).

(Гьаз вуйкIан дугъан аьзаб ккун дапIну, гьацира улубкьуз ккайиб) кяфирариин (Гъиямат Йигъан), (я думу) (сарун) шлихьанкIа хътапIузра шлуб дар

вуйиб Аллагьдихьан, Эйсийихъан мягьражарин [заанвалин ва тярифнан].

КкудучIвура малайикар ва Рюгь [Джабраиль малайик] Дугъахьна [Аллагьдихьна] сад йигъандин арайиъ, фтин манзил [ара] (барабар вуш) (дюн’яйин гьисабариинди) хьцIурагъзур йисаз.

Сабур апIин (я, Пайгъамбар) сабурниинди уткан –

(фицики) дугъриданра дурариз [хътругърайидариз] рябкъюра думу [аьзаб] яхла айибси [улдрубкьрубси],

хъа Учуз рябкъюрачуз думу [аьзаб] багахь хьади.

Думу йигъан, зав ухшар гъабхьи вахтна деебцIнайи рукьдиз (ясана дагъ дапIнайи жимдиз; ясана ифдихъди гъидикьнайи кьарар-кьурчариз),

ва хьиди дагълар, хьаси [ахьди ва биширугдиз (тузраз) дюзмиш хьиди],

ва гьерхдикьа дар багахьлуйи багахьлуйикан (гьарур чан гъаразнаъ хьиди) –

гьаци вушра улупиди дарар (сар-сариз) [рякъиди ва аьгъю хьиди сариз гьатмунур, хъа амма гьергди сар-сарихьан]. Ккун хьиди гуннагькриз [кяфириз] ккудучIвуз аьзабнаккан думу йигъандин чан баяриинди,

чан хпириинди ва чан чвуччвуинди (гъардшиинди),

чан тухум-тарайиинди [майил-мадатдиинди], чахъанди хъиргри гъахи,

ва жил’ил аликьандариинди, варидариинди, – анжагъ чав учв ккудучIвруси (жегьеннемдин аьзабнаккан).

Хъа ваъ, (Гъиямат Йигъан хътругърайилан хил алдабгъидар)! Дугъриданра, фицики думу [Жегьеннем] – ЦIа,

уьлчIюбгъюрайи лиъ кIуллан,

дих апIурайи (чахьинди) йирфар гъивдариз (дюн’яйиъ) (Гьякьикьатдиз) ва гьидицдариз (мютIюгъвалихьан Аллагьдиз),

ва уч гъапIдариз (мал-мулк [девлет]) ва (думу) гъядябгъну дивдариз (тутрувди дидлан закат),

Дугъриданра, инсан халкь дапIна ккалакьрурди:

гъафи вахтна дугъ’ина чIуруб [бала-кьаза] – гьялакирди,

ва кубкIу вахтна дугъак хайир [туву вахтна девлет] – мискьирди [кьискьисди].

(Ва вари гьацдар ву) гъудгнар апIурайидар ктарди,

чпин гъудгниин даима вуди [гъудгнар гьаммишан апIури],

ва дурарин мал-мулкарикра мялум вуйи пай кайи [чарасуз ва хушниинди туврайи садакьа]

ккун апIурайиризра [игьтияж айиризра ва ачмишди инсанариз ча кIурайиризра] ва (вуйиб) мягьрум вуйиризра [игьтияж ашра, ча даркIурайиризра],

ва хъугъри гъахьидарра Гъиямат Йигъахъ,

ва гучIури гъахьидарра аьзабнахьан чпин Первердигарин, –

(фицики) дугъриданра аьзаб дурарин Первердигарин хатIасуз даруб! –

ва уьрхюрайидарра чпин жинснан гьендемар (хай даршлу ляхнарихьан) [зинайихьан],

чпин хпарихьанна хликк гъахьи ашнийирихьантIан савайи, дугъриданра, дурар тягьнайикк ккадар,

хъа фуж чалишмиш гъахьиш улдучIвуз кIури му сяргьятарилан [нюкягь алдру ляхнар апIури], дицистар (сарун) душмнар [тахсиркрар] ву,

ва уьбхюрайидарра чиб’ина аманат [ихтибар] гъапIуб ва (кIулизра адагъури) чпин йитIнайи йикьрар,

ва дурумлу вуйидарра чпин шагьадатарин гьякьнаан,

ва уьрхюрайидарра чпин гъудгнар [апIури вахтниинди ва лазим вуйи къанун-къайдайиинди], –

дицисдар хатирлуди апIиди багълариъ (Женнетдин).

Фти (мажбур) апIурайкIан кяфирар гъахьидар авара духьнайиганси гъяжяргъюз яв улихь (я, Пайгъамбар)

(уч шули) (яв) гагь арчул, гагьсан гагул терефарихъ гъварч-гъварчди?

Яраб ккундашул гьа (ва мижра кивнашул гьа) гьарури дурарикан [кяфирарикан] тIаъдича кIури (женнетдин) Багъдиъ неъматлу?

Хъа ваъ! [Хьидар дурариз ккундайиганси]. Фицики Учу дурар халкь гъап|унча чпиз аьгъюбдикан [шми лит|никан]. (Хъа дурар хъугъундар, ари гьадмуган дурар уч|вдира дар Женнетдиъ).

Хъа ваъ! (Узу, Аллагь) ху тувраза Первердигариинди ригъ гьудубчIвру ва ригъ ккабхъру йишварин [Узу Уз’инди], Учхьан, саб вуди, шулчухьан [удукьурчухьан]

гьюдюхюз (думу бутпересар) гьадлитIан ужударихъди [терг апIуз дурар ва дурарин ерина хъади гъюз жилиина Аллагьдиз мютIюгъ вуйидар], ва (дидин гьякьнаан) Учу хътитузра шлуб дар!

Гъит (я, Пайгъамбар) дурарихь [хътругърайидарихь] утIугъуз (чпин гьакIи субутариъ) ва машгъул хьуз (му дюн’яйиин), гьятта дурариз алабхъайизкьан чпин йигъ [Гъиямат Йигъ], дурариз гаф тувнайи, –

думу йигъан, удучIвуз хъюгъю вахтна дурар чпин накьвариан (ва хъюгъган гъягъюз вари уч шлу йишвахьна) гьялак-гьялакди, гъягъюри гъахьиганси чпи (дюн’яйиин илимбиди) гьякалжасадарихьна (кюмек ккун апIбан бадали дурарикан),

эрхну уларра (гучI’валиан), улубкьну дурариин (гужли) ужузвал (аьзабнаан Аллагьдин). Думу хьиди йигъ (дюн’яйиин илимбиди) дурариз гаф тувну гъабхьи!