Коран на табасаранском языке

Переводчик: Альберт Гаджикаибов

سُورَةُ المُلۡكِ

Мулк

Al-Mulk - The Sovereignty

Сура 67Мекканская30 аятов
بِسْمِ اللَّهِ الرَّحْمَٰنِ الرَّحِيمِ

Альберт Гьяжикъаибов

Аллагьдин ччвурналан Мяргьяматлу, Рягьимлу!

67:1
تَبَٰرَكَ ٱلَّذِى بِيَدِهِ ٱلْمُلْكُ وَهُوَ عَلَىٰ كُلِّ شَىْءٍۢ قَدِيرٌ

Альберт Гьяжикъаибов

Тярифлу ву Думу [Аллагь], мулк хлиъ айи ва гьарсаб шейъниин кьудратлу вуйи,

67:2
ٱلَّذِى خَلَقَ ٱلْمَوْتَ وَٱلْحَيَوٰةَ لِيَبْلُوَكُمْ أَيُّكُمْ أَحْسَنُ عَمَلًۭا ۚ وَهُوَ ٱلْعَزِيزُ ٱلْغَفُورُ

Альберт Гьяжикъаибов

халкь гъапIу аьжал ва уьмур, имтигьян апIбан бадали учву (гьей, инсанар), фуж учвкан варитIан ужур вуш лигуз апIурайи ляхнар-карариинди. Ва Думу – Аьзизур (аьзабламиш ап|бан гьякьнаан кяфирар), (ва) хил алдабгърур (гунгьарилан)! –

67:3
ٱلَّذِى خَلَقَ سَبْعَ سَمَٰوَٰتٍۢ طِبَاقًۭا ۖ مَّا تَرَىٰ فِى خَلْقِ ٱلرَّحْمَٰنِ مِن تَفَٰوُتٍۢ ۖ فَٱرْجِعِ ٱلْبَصَرَ هَلْ تَرَىٰ مِن فُطُورٍۢ

Альберт Гьяжикъаибов

халкь гъапIу ургуд завар жар-жарди (саб-сабдин зиин). Рябкъидаруз увуз (гьей, инсан) халкь дапIнайибдик Рягьимлури гьич фицибкIа цIакувал. ГатIахь яв улар (сабсан ражну лиг, эгер шаклу вуш уву): рякъюранузхъа увуз фицдаркIа цIаркьар [камивалар]?

67:4
ثُمَّ ٱرْجِعِ ٱلْبَصَرَ كَرَّتَيْنِ يَنقَلِبْ إِلَيْكَ ٱلْبَصَرُ خَاسِئًۭا وَهُوَ حَسِيرٌۭ

Альберт Гьяжикъаибов

Хъасин (гьей, инсан) лиг хъана кьюбсан ражну: хътабкиди увухьна лигувал ужуз дубхьну ва дишлади эбгну (камивал абгуз дархьиди халкь дапIнайибдик Аллагьди).

67:5
وَلَقَدْ زَيَّنَّا ٱلسَّمَآءَ ٱلدُّنْيَا بِمَصَٰبِيحَ وَجَعَلْنَٰهَا رُجُومًۭا لِّلشَّيَٰطِينِ ۖ وَأَعْتَدْنَا لَهُمْ عَذَابَ ٱلسَّعِيرِ

Альберт Гьяжикъаибов

Ва магьан сарун гъабалгунча Учу багахь хьайи зав чирагъарихъди [хядарихъди], ва гъапIунча дурар [хядар] йивуз шлударси шейтIнариз (жиниди малайикарин гафарихъ хпехъурайи), ва гьязур дапIнача дурариз (Аьхиратдиъ) Жегьеннемдин аьзаб.

67:6
وَلِلَّذِينَ كَفَرُوا۟ بِرَبِّهِمْ عَذَابُ جَهَنَّمَ ۖ وَبِئْسَ ٱلْمَصِيرُ

Альберт Гьяжикъаибов

Хъа хътругъди гъуздариз чпин Первердигарихъ, – аьзаб Жегьеннемдин, ва (пагь фукьан) кифируб даринхъа дурар кьяляхъ хътаркру йишв!

67:7
إِذَآ أُلْقُوا۟ فِيهَا سَمِعُوا۟ لَهَا شَهِيقًۭا وَهِىَ تَفُورُ

Альберт Гьяжикъаибов

КкатIахьру вахтна дурар [думу хътругъдар] дидизди [Жегьеннемдизди], ебхьура дурариз дидин (пис) гьарай-чIигъ (удубчIвурайиб бугънахъди), ва убхьура думу (ялав алди).

67:8
تَكَادُ تَمَيَّزُ مِنَ ٱلْغَيْظِ ۖ كُلَّمَآ أُلْقِىَ فِيهَا فَوْجٌۭ سَأَلَهُمْ خَزَنَتُهَآ أَلَمْ يَأْتِكُمْ نَذِيرٌۭ

Альберт Гьяжикъаибов

Гьязурди а думу [Жегьеннем] ппаттар [парчйир] хьуз хъюл’ан (дуфнайи кяфирарикан); гьарсаб ражну, ккатIахьру вахтна дидизди гъварч (инсанарин), гьерхра дурарихьан дидин гъаравлари [малайикари]: «Яраб учвухьна гъафундайкIан назирчи [пайгъамбар Аллагьдихьан вуйи]?»

67:9
قَالُوا۟ بَلَىٰ قَدْ جَآءَنَا نَذِيرٌۭ فَكَذَّبْنَا وَقُلْنَا مَا نَزَّلَ ٱللَّهُ مِن شَىْءٍ إِنْ أَنتُمْ إِلَّا فِى ضَلَٰلٍۢ كَبِيرٍۢ

Альберт Гьяжикъаибов

Дурари [ахьрайидари Жегьеннемдизди] кIура (жаваб туври малайикариз-гъаравлариз Жегьеннемдин): «Ав, гъафну учухьна назирчи [гьаънайир Аллагьдин], хъа учу гьисаб гъапIунча думу кучIляхси ва гъапунча (дугъу учухьна хьади гъафи аятарин гьякьнаан): «ФукIа Аллагьди гьапIрайиб адар (инсанариз), анжагъ учвутIан дар рябкъну вуди ургнайидар».

67:10
وَقَالُوا۟ لَوْ كُنَّا نَسْمَعُ أَوْ نَعْقِلُ مَا كُنَّا فِىٓ أَصْحَٰبِ ٱلسَّعِيرِ

Альберт Гьяжикъаибов

Ва пиди дурари (швумал духьну): «Эгер учу хъебехънукьан вуйиш (гафарихъ Аллагьдин), ясана аькьюллудикьан гъузнийиш, хьидайи учу жегьеннемагьлийирин (жергейиъ)».

67:11
فَٱعْتَرَفُوا۟ بِذَنۢبِهِمْ فَسُحْقًۭا لِّأَصْحَٰبِ ٱلسَّعِيرِ

Альберт Гьяжикъаибов

Ва дурари гардандиъ гъибисну чпин гуннагь [хътругъри хьпан]; дургун йихьай, жегьеннемагьлийир (рягьимнахьан Аллагьдин)!

67:12
إِنَّ ٱلَّذِينَ يَخْشَوْنَ رَبَّهُم بِٱلْغَيْبِ لَهُم مَّغْفِرَةٌۭ وَأَجْرٌۭ كَبِيرٌۭ

Альберт Гьяжикъаибов

Дугъриданра, гучIурайидариз Первердигарихьан чпин [хъпехъури Дугъахъ] жиниди [дярякърашра Думу чпиз му дюн’яйиъ], дурариз – хил алдабгъувал (Аллагьдихьан) ва аьхю вуйи ужара [Женнет].

67:13
وَأَسِرُّوا۟ قَوْلَكُمْ أَوِ ٱجْهَرُوا۟ بِهِۦٓ ۖ إِنَّهُۥ عَلِيمٌۢ بِذَاتِ ٱلصُّدُورِ

Альберт Гьяжикъаибов

Ва жин апIурашра учву ичв гафар [айитI гъитну] ясана ебхьруси кIурашра (Дугъан илмиз думу саб ву) (фицики) дугъриданра, аьгъя Дугъаз ичв мухрариъ [юкIвариъ] айибдикан!

67:14
أَلَا يَعْلَمُ مَنْ خَلَقَ وَهُوَ ٱللَّطِيفُ ٱلْخَبِيرُ

Альберт Гьяжикъаибов

Яраб аьгъдарди хьуз мумкин вуйкIан халкь гъапIуриз (вари ва дурарин ляхнар-карар), вудира Думу – Гъянир (Чан лукIарихьна) (ва) хабар айир?

67:15
هُوَ ٱلَّذِى جَعَلَ لَكُمُ ٱلْأَرْضَ ذَلُولًۭا فَٱمْشُوا۟ فِى مَنَاكِبِهَا وَكُلُوا۟ مِن رِّزْقِهِۦ ۖ وَإِلَيْهِ ٱلنُّشُورُ

Альберт Гьяжикъаибов

Думу [Аллагь] – учвуз жил табигъ гъапIур ву (учвхьан яшамиш хьуз шлуси душв’ин), лицай дидин гъирагъ-бужагъ вуйиси ва ипIинай Дугъан ризкьнакан [Дугъу учвуз дидкан туву]; ва Дугъахьна гъидичва чIиви апIбахъан (Гъиямат йигъан).

67:16
ءَأَمِنتُم مَّن فِى ٱلسَّمَآءِ أَن يَخْسِفَ بِكُمُ ٱلْأَرْضَ فَإِذَا هِىَ تَمُورُ

Альберт Гьяжикъаибов

Яраб учву хатIасузди (айкIан) зав’ин алирихьан [Аллагьдихьан], учву жилихь хътIюркъюз гъитидар кIури? Ва магьан думу [жил] гьяракатнаъ а!

67:17
أَمْ أَمِنتُم مَّن فِى ٱلسَّمَآءِ أَن يُرْسِلَ عَلَيْكُمْ حَاصِبًۭا ۖ فَسَتَعْلَمُونَ كَيْفَ نَذِيرِ

Альберт Гьяжикъаибов

Ясана учву хатIасузди (айкIан) зав’ин алирихьан [Аллагьдихьан], Дугъу учв’ина [гъванар гъахурайи] тIурфан гьапIидар кIури? Багарихьди аьгъю хьидичвуз учвуз (гьей, хътругърайидар), (гъябкъю вахтна аьзаб) фициб вуш Йиз назирлувал [улихьмиди хабар тувувал].

67:18
وَلَقَدْ كَذَّبَ ٱلَّذِينَ مِن قَبْلِهِمْ فَكَيْفَ كَانَ نَكِيرِ

Альберт Гьяжикъаибов

Ва сарун кучIляхярси гьисаб гъапIну (гьаънайидар Аллагьдин) дурар [меккайин бутпересар] хьайиз ади гъахьидарира; Фициб дайинхъа Йиз хъял [наразивал]!

67:19
أَوَلَمْ يَرَوْا۟ إِلَى ٱلطَّيْرِ فَوْقَهُمْ صَٰٓفَّٰتٍۢ وَيَقْبِضْنَ ۚ مَا يُمْسِكُهُنَّ إِلَّا ٱلرَّحْمَٰنُ ۚ إِنَّهُۥ بِكُلِّ شَىْءٍۭ بَصِيرٌ

Альберт Гьяжикъаибов

Яраб дурариз [кяфирариз] гъяркъюндайкIан чпин кIул’ин али жакьвар, (хлинццар) гьатIарццури ва иливури (тIирхурайи). Дисурадар дурар (гьавайиъ) (гьич шликIа), РягьимлуритIан савайи. Дугъриданра, Дугъаз гьарсаб шейъ рябкъюра!

67:20
أَمَّنْ هَٰذَا ٱلَّذِى هُوَ جُندٌۭ لَّكُمْ يَنصُرُكُم مِّن دُونِ ٱلرَّحْمَٰنِ ۚ إِنِ ٱلْكَٰفِرُونَ إِلَّا فِى غُرُورٍ

Альберт Гьяжикъаибов

Ясана фуну кьушмихьан шулу учвуз кюмек апIуз (ккадауз учву аьзабнаккан Жегьеннемдин) Рягьимлурин ерина?? (Ва) кяфирар (чпин гьякалжасадари кюмек апIидичуз кIури) анжагъ ургну а.

67:21
أَمَّنْ هَٰذَا ٱلَّذِى يَرْزُقُكُمْ إِنْ أَمْسَكَ رِزْقَهُۥ ۚ بَل لَّجُّوا۟ فِى عُتُوٍّۢ وَنُفُورٍ

Альберт Гьяжикъаибов

Ясана шлихьан шулу учву ризкьнахъди тямин апIуз, эгер хътIабцциш Дугъу (туврайи) Чан ризкь? Аькси вуди, дурар [хътругърайидар] утIугъну чпин мютIюгъсузвалиъ [такабурвалиъ ва кIул’ин гъизигувалиъ] ва ярхла хьувалиъ (Гьякьикьатдихьан)!

67:22
أَفَمَن يَمْشِى مُكِبًّا عَلَىٰ وَجْهِهِۦٓ أَهْدَىٰٓ أَمَّن يَمْشِى سَوِيًّا عَلَىٰ صِرَٰطٍۢ مُّسْتَقِيمٍۢ

Альберт Гьяжикъаибов

Фуж ву варитIан дюз рякъюъди гъягъюрайир: (хъахъри ва) алдакури машнахъди йивури гъягъюрайир [кяфир], ясана дюз рякъюъди гъягъюрайир, хъацIакну [хъугънайи кас]?

67:23
قُلْ هُوَ ٱلَّذِىٓ أَنشَأَكُمْ وَجَعَلَ لَكُمُ ٱلسَّمْعَ وَٱلْأَبْصَٰرَ وَٱلْأَفْـِٔدَةَ ۖ قَلِيلًۭا مَّا تَشْكُرُونَ

Альберт Гьяжикъаибов

Йип (дурариз) (я, Пайгъамбар): «Думу [Аллагь] – учву гьялназ гъахир ву ва учвуз ебхьувал, рябкъювал ва фагьум [юкI] тувур ву; (пагь) фукьан цIибдитIан учву шюкюр апIураданчвахъа (Дугъаз)!»

67:24
قُلْ هُوَ ٱلَّذِى ذَرَأَكُمْ فِى ٱلْأَرْضِ وَإِلَيْهِ تُحْشَرُونَ

Альберт Гьяжикъаибов

Йип (дурариз) (я, Пайгъамбар): «Думу [Аллагь] – халкь гъапIур (ву) учву жилиин, ва Гьадгъахьна учву уч апIиди (хъасин Гъиямат йигъан)».

67:25
وَيَقُولُونَ مَتَىٰ هَٰذَا ٱلْوَعْدُ إِن كُنتُمْ صَٰدِقِينَ

Альберт Гьяжикъаибов

Ва кIура дурари [хътругърайидари]: «Фила (улубкьруб ву) думу тувнайи гаф [фила улубкьиди Гъиямат йигъ], эгер учву кIурайиб кайиб вуш (гьей, хъугънайидар)?»

67:26
قُلْ إِنَّمَا ٱلْعِلْمُ عِندَ ٱللَّهِ وَإِنَّمَآ أَنَا۠ نَذِيرٌۭ مُّبِينٌۭ

Альберт Гьяжикъаибов

Йип (дурариз) (я, Пайгъамбар): «Дидкан вуйи аьгъювалар (анжагъ) АллагьдихьтIан хьтар; хъа узу (учвуз) – (анжагъ) гъаврикк ккаърайи назирчи».

67:27
فَلَمَّا رَأَوْهُ زُلْفَةًۭ سِيٓـَٔتْ وُجُوهُ ٱلَّذِينَ كَفَرُوا۟ وَقِيلَ هَٰذَا ٱلَّذِى كُنتُم بِهِۦ تَدَّعُونَ

Альберт Гьяжикъаибов

Ва гъябкъю вахтна дурариз думу [Гъиямат йигъандин аьзаб] чпин багахь хьади, чIюргъиди машар хътругъри гъахьидарин, ва пиди (дурариз): «Му [аьзаб] – (дюн’яйиин илимбиди) ккун гъапIуб ву учву (кялхъри)!»

67:28
قُلْ أَرَءَيْتُمْ إِنْ أَهْلَكَنِىَ ٱللَّهُ وَمَن مَّعِىَ أَوْ رَحِمَنَا فَمَن يُجِيرُ ٱلْكَٰفِرِينَ مِنْ عَذَابٍ أَلِيمٍۢ

Альберт Гьяжикъаибов

Йип (я, Пайгъамбар) (думу хътругърайидариз): «Фикир гъапIунчвахъа учву, шли уьрхиди дупну хътругърайидар [кяфирар] аьгь апIуз даршлу аьзабнахьан, эгер (учвуз ккундайиганси) Аллагьди пуч гъапIиш узура ва узухъди хъайидарра, ясана рягьим гъапIиш учуз [тувну учуз ужуб ярхи уьмур]?»

67:29
قُلْ هُوَ ٱلرَّحْمَٰنُ ءَامَنَّا بِهِۦ وَعَلَيْهِ تَوَكَّلْنَا ۖ فَسَتَعْلَمُونَ مَنْ هُوَ فِى ضَلَٰلٍۢ مُّبِينٍۢ

Альберт Гьяжикъаибов

Йип (я, Гьаънайир) (думу хътругърайидариз): «Думу – Рягьимлур, учу хъугънача Дугъахъ ва Гьадвиина тавакъу дапIнача. Багарихьди учвуз (гьей, кяфирар) аьгъю хьидичвуз, фуж ухькан [учу ясана учву] рябкъну вуди улдугну аш!»

67:30
قُلْ أَرَءَيْتُمْ إِنْ أَصْبَحَ مَآؤُكُمْ غَوْرًۭا فَمَن يَأْتِيكُم بِمَآءٍۢ مَّعِينٍۭ

Альберт Гьяжикъаибов

Йип (я, Пайгъамбар) (думу бутпересариз): «Фикир гъапIунчвахъа учву, шли тувди дупну учвуз булагъдин шид (АллагьдитIан савайи), эгер ичв шид [учву убхъурайи] гъизигиш (жилариъ)?