Коран на табасаранском языке

Переводчик: Альберт Гаджикаибов

سُورَةُ مُحَمَّدٍ

Мугьяммад

Muhammad - Muhammad

Сура 47Мединская38 аятов
بِسْمِ اللَّهِ الرَّحْمَٰنِ الرَّحِيمِ

Альберт Гьяжикъаибов

Аллагьдин ччвурналан Мяргьяматлу, Рягьимлу!

47:1
ٱلَّذِينَ كَفَرُوا۟ وَصَدُّوا۟ عَن سَبِيلِ ٱللَّهِ أَضَلَّ أَعْمَٰلَهُمْ

Альберт Гьяжикъаибов

Кяфирар гъахьидарин ва (инсанар) Аллагьдин рягълан алдаъдарин, – зяя апIиди Дугъу ляхнар дурарин.

47:2
وَٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ وَءَامَنُوا۟ بِمَا نُزِّلَ عَلَىٰ مُحَمَّدٍۢ وَهُوَ ٱلْحَقُّ مِن رَّبِّهِمْ ۙ كَفَّرَ عَنْهُمْ سَيِّـَٔاتِهِمْ وَأَصْلَحَ بَالَهُمْ

Альберт Гьяжикъаибов

Хъа хъугъдарин (Аллагьдихъ), ва дуруслу [ужудар] ляхнар-карар гъапIдарин, ва хъугъдарин Мугьяммаддихьна гьапIнайибдихъ [Кьур’андихъ], – хъа думу [Кьур’ан] (якьинтIан) гьякь ву дурарин Первердигарихьан вуйи, – кутIушвиди Дугъу дурарикан чIуру [пис] ляхнар-карар дурарин ва дигиш апIиди дурарин гьял ужувлахъинди.

47:3
ذَٰلِكَ بِأَنَّ ٱلَّذِينَ كَفَرُوا۟ ٱتَّبَعُوا۟ ٱلْبَٰطِلَ وَأَنَّ ٱلَّذِينَ ءَامَنُوا۟ ٱتَّبَعُوا۟ ٱلْحَقَّ مِن رَّبِّهِمْ ۚ كَذَٰلِكَ يَضْرِبُ ٱللَّهُ لِلنَّاسِ أَمْثَٰلَهُمْ

Альберт Гьяжикъаибов

Думу [кяфирарин ляхнар зяя хьувал, хъа хъугънайидарикан пис ляхнар кутIушвувал] – кяфирар батIил вуйибдихъди гъушиган ву, хъа хъугъдарса, гьякьнахъди гъушиган ву чпин Первердигарихьан вуйи. Гьамци хура Аллагьди инсанариз меселйир [хъугърайидариканна хъугънадрударикан]!

47:4
فَإِذَا لَقِيتُمُ ٱلَّذِينَ كَفَرُوا۟ فَضَرْبَ ٱلرِّقَابِ حَتَّىٰٓ إِذَآ أَثْخَنتُمُوهُمْ فَشُدُّوا۟ ٱلْوَثَاقَ فَإِمَّا مَنًّۢا بَعْدُ وَإِمَّا فِدَآءً حَتَّىٰ تَضَعَ ٱلْحَرْبُ أَوْزَارَهَا ۚ ذَٰلِكَ وَلَوْ يَشَآءُ ٱللَّهُ لَٱنتَصَرَ مِنْهُمْ وَلَٰكِن لِّيَبْلُوَا۟ بَعْضَكُم بِبَعْضٍۢ ۗ وَٱلَّذِينَ قُتِلُوا۟ فِى سَبِيلِ ٱللَّهِ فَلَن يُضِلَّ أَعْمَٰلَهُمْ

Альберт Гьяжикъаибов

Ва алахъу вахтна учвуз кяфирар гъахьидар (ва удучIвган дурар учвухъди дявдиз), йивай дурарин гарднар турихъди; ва гуржу вахтна учву дурар, (гъадагъай дурар йисирвализ ва) ижми апIинай гъалкъйир (йисир дапIнайидарин). Хъасин, (шулучвхьан) язухъ дапIну (деетузра дурар), вая (шулучвхьан гъадабгъуз дурарихъанди) фидаъра, (ясана шулучвхьан дурар аьзабламиш апIузра) дяви гъябгъюри имбукьан ккагьди. Гьамциб ву (дяви апIурайи кяфирарин гьякьнаан вуйи къарар)! Хъа эгер Аллагьдиз ккун гъабхьнийиш, Дугъу дурар чарасуз ккагъуз гъитуйи, хъа амма (думу дяви гъабхьиб ву), учвкан састар имтигьян апIбан бадали гьатмундарихъди (рябкъруси, фуж учвкан чалишмиш шулаш Дугъан рякъюъ, фуж ккергъраш читинвалариз агь апIури ва тувруси дидхъанди ужара). Хъа Аллагьдин рякъюъ йивну гъийихдарин, – затра гъитидар Дугъу дургуз дурарин ляхнар-карар.

47:5
سَيَهْدِيهِمْ وَيُصْلِحُ بَالَهُمْ

Альберт Гьяжикъаибов

Дугъу хъаъди дурар (Женнетдиз), ва ислягь апIиди дурарин аьгьвалат,

47:6
وَيُدْخِلُهُمُ ٱلْجَنَّةَ عَرَّفَهَا لَهُمْ

Альберт Гьяжикъаибов

ва тIаъди дурар (Женнетдиъ), Дугъу дурарихь аьгъю апIуз гъиту (гьелелиг дюн’яйиин илимбиди).

47:7
يَٰٓأَيُّهَا ٱلَّذِينَ ءَامَنُوٓا۟ إِن تَنصُرُوا۟ ٱللَّهَ يَنصُرْكُمْ وَيُثَبِّتْ أَقْدَامَكُمْ

Альберт Гьяжикъаибов

Гьей, иманагьлийир! Эгер учву кюмек гъапIиш Аллагьдиз, Дугъу учвузра кюмек апIиди (къаршувалин гьякьнаан ичв душмнариз) ва дуркьиди ичв ликарра [даягъ хьиди учвуз].

47:8
وَٱلَّذِينَ كَفَرُوا۟ فَتَعْسًۭا لَّهُمْ وَأَضَلَّ أَعْمَٰلَهُمْ

Альберт Гьяжикъаибов

Хъа кяфирар гъахьидариз, – зарал дурариз, ва зяя апIиди Дугъу ляхнар-карар дурарин.

47:9
ذَٰلِكَ بِأَنَّهُمْ كَرِهُوا۟ مَآ أَنزَلَ ٱللَّهُ فَأَحْبَطَ أَعْمَٰلَهُمْ

Альберт Гьяжикъаибов

Думу [ляхнар-карар дурарин зяя хьувал] – Аллагьди гьапIнайиб [Кьур’ан] даккун апIбахъанди вуйиб (ву), ва Дугъу файда ктрудар апIиди ляхнар-карар дурарин.

47:10
۞ أَفَلَمْ يَسِيرُوا۟ فِى ٱلْأَرْضِ فَيَنظُرُوا۟ كَيْفَ كَانَ عَٰقِبَةُ ٱلَّذِينَ مِن قَبْلِهِمْ ۚ دَمَّرَ ٱللَّهُ عَلَيْهِمْ ۖ وَلِلْكَٰفِرِينَ أَمْثَٰلُهَا

Альберт Гьяжикъаибов

Гъилицундаринхъа дурар [думу кяфирар] жил вуйиси ва дярябкъди имбиянхъа дурариз, фициб гъабхьнуш аьхир, улихьди (яшамиш) гъахьи (халкьарин)? ТIанкь гъапIну Аллагьди дурар (гьапIбиинди дурариина аьзаб), ва (инкар вуйи) кяфираризра – (ккилибгура) гьациб (аьзаб).

47:11
ذَٰلِكَ بِأَنَّ ٱللَّهَ مَوْلَى ٱلَّذِينَ ءَامَنُوا۟ وَأَنَّ ٱلْكَٰفِرِينَ لَا مَوْلَىٰ لَهُمْ

Альберт Гьяжикъаибов

Думу [дициб аьзаб ккилибгурайивал кяфирариз] – гьаз гъапиш, Аллагь хъугънайидарин вакил ву, хъа кяфирар [хъугънадрудар] вакил айидар дар.

47:12
إِنَّ ٱللَّهَ يُدْخِلُ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ جَنَّٰتٍۢ تَجْرِى مِن تَحْتِهَا ٱلْأَنْهَٰرُ ۖ وَٱلَّذِينَ كَفَرُوا۟ يَتَمَتَّعُونَ وَيَأْكُلُونَ كَمَا تَأْكُلُ ٱلْأَنْعَٰمُ وَٱلنَّارُ مَثْوًۭى لَّهُمْ

Альберт Гьяжикъаибов

Дугъриданра, гъухъдар ва дуруслу [ужудар] ляхнар-карар гъапIдар, тIаъди Аллагьди Багълариъ (Женнетдин), (наан) кIанакк дурарин ахмиш шулаш нирар. Хъа кяфирар гъахьидари [хътругъдари] ишлетмиш апIура (му дюн’яйин неъматар) ва ипIура, гьяйванатариси (гъипIу уьлна гъубшу йигъ, магьан дурарин гъайгъушнар) (дурари гьич фикиркьан апIурадар аьзабнакан), ва ЦIа [Жегьеннем] – (гьаргандиз) дурар гъузру йишв!

47:13
وَكَأَيِّن مِّن قَرْيَةٍ هِىَ أَشَدُّ قُوَّةًۭ مِّن قَرْيَتِكَ ٱلَّتِىٓ أَخْرَجَتْكَ أَهْلَكْنَٰهُمْ فَلَا نَاصِرَ لَهُمْ

Альберт Гьяжикъаибов

Ва фукьан (ади гъахьну) гъулар, яв гъултIан [МеккатIан] гужлидар кьувватниинди (я, Гьаънайир), уву утIуркку, Учу талаф [аьзабламиш] гъапIунча, ва (гъахьундайи) дурариз кюмек апIрур (уьрхюз шлур дурар аьзабнахьан Аллагьдин)!

47:14
أَفَمَن كَانَ عَلَىٰ بَيِّنَةٍۢ مِّن رَّبِّهِۦ كَمَن زُيِّنَ لَهُۥ سُوٓءُ عَمَلِهِۦ وَٱتَّبَعُوٓا۟ أَهْوَآءَهُم

Альберт Гьяжикъаибов

Чан Первердигарихьан вуйи ачухъ (далилиин) алир [ГьапIнайибдихъди гъягъюрайир], ухшар вуйинхъа (шейтIни) чан ляхнарин писвал кабалгнайириз? Дурар чпин чиркин хияларихъ хъиргну гъахьидар ву (хай даршлу ляхнар апIури, чпин нефсариз мютIюгъ духьну)!

47:15
مَّثَلُ ٱلْجَنَّةِ ٱلَّتِى وُعِدَ ٱلْمُتَّقُونَ ۖ فِيهَآ أَنْهَٰرٌۭ مِّن مَّآءٍ غَيْرِ ءَاسِنٍۢ وَأَنْهَٰرٌۭ مِّن لَّبَنٍۢ لَّمْ يَتَغَيَّرْ طَعْمُهُۥ وَأَنْهَٰرٌۭ مِّنْ خَمْرٍۢ لَّذَّةٍۢ لِّلشَّٰرِبِينَ وَأَنْهَٰرٌۭ مِّنْ عَسَلٍۢ مُّصَفًّۭى ۖ وَلَهُمْ فِيهَا مِن كُلِّ ٱلثَّمَرَٰتِ وَمَغْفِرَةٌۭ مِّن رَّبِّهِمْ ۖ كَمَنْ هُوَ خَٰلِدٌۭ فِى ٱلنَّارِ وَسُقُوا۟ مَآءً حَمِيمًۭا فَقَطَّعَ أَمْعَآءَهُمْ

Альберт Гьяжикъаибов

(Женнетдин) багъдин юруш, (Аллагьди) гаф тувнайи ихтият гъапIдариз (гьамциб ву): душваъ – нирар чIур даршлу штукан вуйи, ва нирар никкдикан вуйи, дигиш даршлу дад али, ва нирар чяхрикан вуйи, убхъурайидарин юкIвар ккядярхъру, ва нирар марцци йиччвкан вуйи. Ва дурариз душваъ [Женнетдин багълариъ] жюрбежюр мейва-йимиш ва хил аладабгъувал чпин Первердигарихьан. ... (Женнетдин нази-неъматар кьисмат гъахьидар) (ухшар вуйинхъа) гьаммишан ЦIиъ [Жегьеннемдиъ] шлударизна ва (варитIан яманди) убхьурайи шид убхъуз гъитрайидариз, ва диди гьадахьура дурарин рудрар.

47:16
وَمِنْهُم مَّن يَسْتَمِعُ إِلَيْكَ حَتَّىٰٓ إِذَا خَرَجُوا۟ مِنْ عِندِكَ قَالُوا۟ لِلَّذِينَ أُوتُوا۟ ٱلْعِلْمَ مَاذَا قَالَ ءَانِفًا ۚ أُو۟لَٰٓئِكَ ٱلَّذِينَ طَبَعَ ٱللَّهُ عَلَىٰ قُلُوبِهِمْ وَٱتَّبَعُوٓا۟ أَهْوَآءَهُمْ

Альберт Гьяжикъаибов

Ва дурарин [кяфирарин] арайиъ увухъ хъпехъурайидарра а (я, Мугьяммад) (хъа дурар – кьюб маш гъяйидар ву). Ва увхьан гьудучIву вахтна дурар (хъебехъбахъан яв гаф-чIалнахъ), кIура (кялхъри) илим тувнайидариз [аьгъювалар айидариз асгьябарикан]: «Фу ву думу дициб дугъу [Пайгъамбри] кьанди гъапиб (учу фикир тувундарча дугъан гафариз)?» Думу [кьюб маш гъяйидар], Аллагьди юкIвар уркънайидар (ву) ва чпин чиркин хияларихъ хъиргну гъахьидар ву.

47:17
وَٱلَّذِينَ ٱهْتَدَوْا۟ زَادَهُمْ هُدًۭى وَءَاتَىٰهُمْ تَقْوَىٰهُمْ

Альберт Гьяжикъаибов

Хъа хъичIихдариз гьидаятнахъан (гьапIнайибдихъан Пайгъамбрихьна), – артугъ апIиди Дугъу дурариз гьидаятнан гьякьнаан вуйиб ва тувди Дугъу дурариз (махсус лишанси) ихтиятвал [гучI апIувал] (гунгьарихьан).

47:18
فَهَلْ يَنظُرُونَ إِلَّا ٱلسَّاعَةَ أَن تَأْتِيَهُم بَغْتَةًۭ ۖ فَقَدْ جَآءَ أَشْرَاطُهَا ۚ فَأَنَّىٰ لَهُمْ إِذَا جَآءَتْهُمْ ذِكْرَىٰهُمْ

Альберт Гьяжикъаибов

Ккилигурайинхъа дурар [кяфирар] фтизкIа жарабдиз, СяаьтназтIан савайи, хабарсузди дурарихьна гъюру? Ва магьан сарун гъафну (сякьюдар) лишнар дидин (хъа дурари фу дапIнура ктабгъурадар хайир дурарикан). Ва гьаз вухъа зикир дурарин [айинхъа файда дидкан дурариз], улубкьбахъан дурариин (Гъиямат йигъ)?

47:19
فَٱعْلَمْ أَنَّهُۥ لَآ إِلَٰهَ إِلَّا ٱللَّهُ وَٱسْتَغْفِرْ لِذَنۢبِكَ وَلِلْمُؤْمِنِينَ وَٱلْمُؤْمِنَٰتِ ۗ وَٱللَّهُ يَعْلَمُ مُتَقَلَّبَكُمْ وَمَثْوَىٰكُمْ

Альберт Гьяжикъаибов

Аьгъю йибхь, адруб (жара) первердигар, АллагьтIан савайи, ва хил алдабгъ йип яв гунгьилан ва (гунгьарилан) (имбу вари) муъминарин [хъугънайи жиларин] ва муъминатарин [хъугънайи дишагьлийирин]. Ва Аллагьдиз аьгъя ичв аьгъюб-гъюбканра (учву апIурайи ляхнар-карариканра гьаму дюн’яйиъ), ва ичв (аьхиримжи) утагъ (ужагъ) [хьиди я Женнетдиъ ясана Жегьеннемдиъ]!

47:20
وَيَقُولُ ٱلَّذِينَ ءَامَنُوا۟ لَوْلَا نُزِّلَتْ سُورَةٌۭ ۖ فَإِذَآ أُنزِلَتْ سُورَةٌۭ مُّحْكَمَةٌۭ وَذُكِرَ فِيهَا ٱلْقِتَالُ ۙ رَأَيْتَ ٱلَّذِينَ فِى قُلُوبِهِم مَّرَضٌۭ يَنظُرُونَ إِلَيْكَ نَظَرَ ٱلْمَغْشِىِّ عَلَيْهِ مِنَ ٱلْمَوْتِ ۖ فَأَوْلَىٰ لَهُمْ

Альберт Гьяжикъаибов

Ва кIура хъугънайидари: «Агь, эгер гьапIнийиш сура (амур апIури Аллагьдин рякъюъ дяви апIинай кIури кяфирарихъди)!» Ва гьапIу вахтна сура мянара ачухъ дапIну ва ктибтурашра дидиъ [думу сурайиъ] дявдикан [амур апIури Аллагьдин рякъюъ дяви апIуз], рябкъюравуз увуз (я, Гьаънайир), фици кIваъ уьзур айидар [юкIвариъ шаклувал айидар, хъа думу – кьюб маш гъяйивал ву], лигураш увухьинди ацахьну, фикрихъ хътрударси (гучI’валиан) чпи йихиди кIури [дявдиъ]. Ужу вуйи дурариз [юкIвариъ шаклувалар айидариз] –

47:21
طَاعَةٌۭ وَقَوْلٌۭ مَّعْرُوفٌۭ ۚ فَإِذَا عَزَمَ ٱلْأَمْرُ فَلَوْ صَدَقُوا۟ ٱللَّهَ لَكَانَ خَيْرًۭا لَّهُمْ

Альберт Гьяжикъаибов

мютIюгъ гъахьнийиш (Аллагьдиз) ва гафра ужуб (гъапIнийиш [барабар вуйиб Кьур’андиз Аллагьдин]! Ва адабгъбахъан къарар [амур апIури дяви апIуз] (дурар къаршуди удучIвура ясана дидиъ иштарак шуладар), хъа эгер гъюбхнийиш дурари гьякь Аллагьдихъди, (дидкан) анжагъ чпизтIан хайир хьидайи.

47:22
فَهَلْ عَسَيْتُمْ إِن تَوَلَّيْتُمْ أَن تُفْسِدُوا۟ فِى ٱلْأَرْضِ وَتُقَطِّعُوٓا۟ أَرْحَامَكُمْ

Альберт Гьяжикъаибов

Хъа эгер учву, гьидициш (Кьур’андихьан Аллагьдин ва Суннатдихьан Дугъан Пайгъамбрин), жилиин фасадвалра тарабгъидичва (хътругъри Дугъахъ ва удубзури ифи) ва майил-мадатдихъди вуйи багахьлувалин аьлакьйирра чIюргъидичва.

47:23
أُو۟لَٰٓئِكَ ٱلَّذِينَ لَعَنَهُمُ ٱللَّهُ فَأَصَمَّهُمْ وَأَعْمَىٰٓ أَبْصَٰرَهُمْ

Альберт Гьяжикъаибов

Дурар – Аллагьди нянатламиш гъапIдар ву [ярхла дапIну Чан рягьматнахьан]. Ва кар гъапIну Дугъу дурар (деребкруси дурариз чпиз хайир кайиб) ва кур гъапIну дурарин улар (дярябкъруси дурариз я Кьур’ан я Гьядис).

47:24
أَفَلَا يَتَدَبَّرُونَ ٱلْقُرْءَانَ أَمْ عَلَىٰ قُلُوبٍ أَقْفَالُهَآ

Альберт Гьяжикъаибов

Гьаз аннамиш апIурадайкIан дурари [думу кьюб маш гъяйидари] кIурайиб Кьур’андиъ? Дарш ачрар алийкIан дурарин юкIвариин?

47:25
إِنَّ ٱلَّذِينَ ٱرْتَدُّوا۟ عَلَىٰٓ أَدْبَٰرِهِم مِّنۢ بَعْدِ مَا تَبَيَّنَ لَهُمُ ٱلْهُدَى ۙ ٱلشَّيْطَٰنُ سَوَّلَ لَهُمْ وَأَمْلَىٰ لَهُمْ

Альберт Гьяжикъаибов

Дугъриданра, гьидицдариз [цIийи кIултIан кяфирар гъахьидариз] [кьюб маш гъяйидариз] чпихьна ашкар вуйи гьидаят гъюбхъан, улупну шейтIни дурариз (чIуруб ужубси, хъа ужуб чIурубси) ва гьачIабккну дурариз (дурари умуд кивнайивал ярхи уьмрик).

47:26
ذَٰلِكَ بِأَنَّهُمْ قَالُوا۟ لِلَّذِينَ كَرِهُوا۟ مَا نَزَّلَ ٱللَّهُ سَنُطِيعُكُمْ فِى بَعْضِ ٱلْأَمْرِ ۖ وَٱللَّهُ يَعْلَمُ إِسْرَارَهُمْ

Альберт Гьяжикъаибов

Дурар [цIийи кIултIан кяфирар хьувал] – гьаз гъапиш, дурари гъапну Аллагьди гьапIнайиб даккун гъапIдариз [бутпересариз]: «Учу учвуз мютIюгъ шулача думу ляхнин гьякьнаан (душманвалин гьякьнаан Исламдиз)». Хъа Аллагьдиз аьгъя дурарин жини ляхнар-карарикан [кьастарикан].

47:27
فَكَيْفَ إِذَا تَوَفَّتْهُمُ ٱلْمَلَٰٓئِكَةُ يَضْرِبُونَ وُجُوهَهُمْ وَأَدْبَٰرَهُمْ

Альберт Гьяжикъаибов

Фициб хьидикIа (дурарин гьял), аьхириъ уьмрин [адагъру вахтна рюгьяр дурарин] малайикари, урчIвури шлу дурарин [кяфирарин] машар ва дурарин йирфар?

47:28
ذَٰلِكَ بِأَنَّهُمُ ٱتَّبَعُوا۟ مَآ أَسْخَطَ ٱللَّهَ وَكَرِهُوا۟ رِضْوَٰنَهُۥ فَأَحْبَطَ أَعْمَٰلَهُمْ

Альберт Гьяжикъаибов

Думу [аьзаб] – (туврайиб ву дурариз) гъягъбахъанди Аллагьдин хъюлякк ккахъдарин шилнаъди, ва даккунди гъабхьнийи дурариз Дугъан разивал. Ва зяя гъапIну Дугъу [Аллагьди] дурарин (ужудар) ляхнар-карар.

47:29
أَمْ حَسِبَ ٱلَّذِينَ فِى قُلُوبِهِم مَّرَضٌ أَن لَّن يُخْرِجَ ٱللَّهُ أَضْغَٰنَهُمْ

Альберт Гьяжикъаибов

Яраб хиял дапIнашул гьа кIваъ уьзур айидари [кьюб маш гъяйидари], Аллагьди ашкар апIидар кIури [улупидар кIури инсанариз] дурарин писвал [муханатвал ва даккнишин]?

47:30
وَلَوْ نَشَآءُ لَأَرَيْنَٰكَهُمْ فَلَعَرَفْتَهُم بِسِيمَٰهُمْ ۚ وَلَتَعْرِفَنَّهُمْ فِى لَحْنِ ٱلْقَوْلِ ۚ وَٱللَّهُ يَعْلَمُ أَعْمَٰلَكُمْ

Альберт Гьяжикъаибов

Хъа эгер Учуз ккун гъабхьнийиш, гьелбетта улупидийча Учу увуз (я, Гьаънайир) дурар [думу кьюб маш гъяйидар], ва аьгъю хьидийвуз увуз дурар дурарин махсус лишнариинди; ва увуз, икибаштIан, аьгъю хьидийвуз дурар апIурайи гаф-чIалниинди. Ва Аллагьдиз аьгъя ичв [варидарин] ляхнар-карар!

47:31
وَلَنَبْلُوَنَّكُمْ حَتَّىٰ نَعْلَمَ ٱلْمُجَٰهِدِينَ مِنكُمْ وَٱلصَّٰبِرِينَ وَنَبْلُوَا۟ أَخْبَارَكُمْ

Альберт Гьяжикъаибов

Ва Учу гьелбетта имтигьян апIидича учву (гьей, иманагьлийир) (дяви апIуз амур дапIну), аьгъю гьайизкьан фундар учвкан мужагьидар вуш ва сабур апIурайидар вуш (чаз алахьу читинвалариз ккергъри), ва ахтармиш апIидича учвхьан вуйи хабрарра [аьгъю апIидича, фуж учвкан дюз вуш, хъа фуж дюз дарш].

47:32
إِنَّ ٱلَّذِينَ كَفَرُوا۟ وَصَدُّوا۟ عَن سَبِيلِ ٱللَّهِ وَشَآقُّوا۟ ٱلرَّسُولَ مِنۢ بَعْدِ مَا تَبَيَّنَ لَهُمُ ٱلْهُدَىٰ لَن يَضُرُّوا۟ ٱللَّهَ شَيْـًۭٔا وَسَيُحْبِطُ أَعْمَٰلَهُمْ

Альберт Гьяжикъаибов

Дугъриданра, кяфирар гъахьидари, алдаънура ву (инсанар) рякълан Аллагьдин [ярхла гъапIну Исламдихьан], ва фархи гъахьну Гьаънайирихьанра [удучIвну дугъаз къаршуди] ашкар гъабхьнушра чпиз (дугъри) гьидаят, – тувидар дурари Аллагьдиз гьич тикисибкьан зарал, хъа Дугъу ляхнар-карар дурарин зяя апIиди.

47:33
۞ يَٰٓأَيُّهَا ٱلَّذِينَ ءَامَنُوٓا۟ أَطِيعُوا۟ ٱللَّهَ وَأَطِيعُوا۟ ٱلرَّسُولَ وَلَا تُبْطِلُوٓا۟ أَعْمَٰلَكُمْ

Альберт Гьяжикъаибов

Гьей, иманагьлийир! МютIюгъ йихьай Аллагьдиз, ва мютIюгъ йихьай Дугъан Гьаънайириз, ва зяя шлуганси мапIанай ичв ляхнар-карар!

47:34
إِنَّ ٱلَّذِينَ كَفَرُوا۟ وَصَدُّوا۟ عَن سَبِيلِ ٱللَّهِ ثُمَّ مَاتُوا۟ وَهُمْ كُفَّارٌۭ فَلَن يَغْفِرَ ٱللَّهُ لَهُمْ

Альберт Гьяжикъаибов

Дугъриданра, кяфирарди гъахьидарилан ва Аллагьдин рякълан (адмийир) алдаури гъахьидарилан, хъасин гьаци кяфирарди [хътругъди] имбиди гъийихдарилан, – зат хил алдабгъидар дурарилан Аллагьди (ва тIаъди аьзабнаъ Жегьеннемдин гьаргандиз)!

47:35
فَلَا تَهِنُوا۟ وَتَدْعُوٓا۟ إِلَى ٱلسَّلْمِ وَأَنتُمُ ٱلْأَعْلَوْنَ وَٱللَّهُ مَعَكُمْ وَلَن يَتِرَكُمْ أَعْمَٰلَكُمْ

Альберт Гьяжикъаибов

Ва буш махьанай (гьей, хъугънайидар), текелифар диври (Аллагьдин душмнариз) саламатвалихъна [йикьрар йитIуз кIури] (дяви апIуз гучIури), вудира учву заанди (дурартIан) [учву кIубандира вучва ва учву гъалибра хьидичва]; хъа Аллагь – хъайир ву учвухъди [Дугъу учвуз кюмек апIиди], ва камра апIидар Дугъу (ужарйир) ичв ляхнар-карарихъанди вуйи.

47:36
إِنَّمَا ٱلْحَيَوٰةُ ٱلدُّنْيَا لَعِبٌۭ وَلَهْوٌۭ ۚ وَإِن تُؤْمِنُوا۟ وَتَتَّقُوا۟ يُؤْتِكُمْ أُجُورَكُمْ وَلَا يَسْـَٔلْكُمْ أَمْوَٰلَكُمْ

Альберт Гьяжикъаибов

Дюн’я – (анжагъ) тамашина машгъулаттIан дар. Хъа эгер учву хъугъиш (Аллагьдихъ ва Дугъан Гьаънайирихъ) ва гъахьиш ихтият апIури (аьзабнахьан Аллагьдин), тувди Дугъу учвуз ичвди вуйи ужарйир (ужудар ляхнар-карарихъанди вуйи), ккун апIурадар Дугъу учвкан (тувуб) (вари) ичв мал-мулк [девлет] (чарасуз вуйи садакьаси, анжагъ саб флану пайтIан тувуб ккун апIурадар).

47:37
إِن يَسْـَٔلْكُمُوهَا فَيُحْفِكُمْ تَبْخَلُوا۟ وَيُخْرِجْ أَضْغَٰنَكُمْ

Альберт Гьяжикъаибов

Эгер Дугъу ккун гъапIиш учвкан думу, ижмиди тIалабра апIури, хъюгъдичва кьискьисвал апIуз, ва (думуган) Дугъу ашкар апIиди ичв писвал (ичв юкIвариъ айи).

47:38
هَٰٓأَنتُمْ هَٰٓؤُلَآءِ تُدْعَوْنَ لِتُنفِقُوا۟ فِى سَبِيلِ ٱللَّهِ فَمِنكُم مَّن يَبْخَلُ ۖ وَمَن يَبْخَلْ فَإِنَّمَا يَبْخَلُ عَن نَّفْسِهِۦ ۚ وَٱللَّهُ ٱلْغَنِىُّ وَأَنتُمُ ٱلْفُقَرَآءُ ۚ وَإِن تَتَوَلَّوْا۟ يَسْتَبْدِلْ قَوْمًا غَيْرَكُمْ ثُمَّ لَا يَكُونُوٓا۟ أَمْثَٰلَكُم

Альберт Гьяжикъаибов

Магьан учву (гьей, иманагьлийир) – учвуз апIурайиб ву дяъват, харж апIбан бадали рякъюъ Аллагьдин, хъа ичв арайиъ кьискьисвал апIурайидарра а. Хъа фуж кьискьисди гъахьиш, дицирин кьискьисвал (анжагъ) чан заралназтIан вуйиб дар. Дугъриданра, девлетлур ву Аллагь (Думу учвухъ мюгьтаж дар), хъа учву касибар вучва (учву Дугъахъ мюгьтаж вучва)! Хъа эгер учву гьидициш (диндихьан Аллагьдин), гьюдюхиди Дугъу учву жара инсанарихъди [учву талаф апIиди ва жарадар хъади гъиди], (ва) хъасин дурар хьидар учвуз ухшар вуйидар [дурар мютIюгъ вуйидар хьиди Аллагьдиз ва Дугъан Гьаънайириз].