Аллагьдин ччвурналан Мяргьяматлу, Рягьимлу!

(Му) гьапIрайи Китаб [Кьур’ан] (гъюрайиб ву) Аллагьдихьан, Аьзизурихьан (ва) Гьякимлурихьан.

Дугъриданра, гьапIунча Учу увуз (я, Гьаънайир) (му) Китаб [Кьур’ан] гьякь ади; ибадат апIин (анжагъ сар) Аллагьдиз, марцц апIури Дугъан улихь (яв) дин.

Хъа, ав! Аллагьдихьан (гъюрайиб ву) марцци дин. Дугъан ерина чпиз валйир [гьякалжасадар] гъадагъдари (кIура): «Учу ибадат апIурача дурариз [гьякалжасадариз] анжагъ, дурари учу багахь апIбан бадали Аллагьдихьна шлубкьан багахь апIури». Дугъриданра, Аллагьди гьюкум апIиди дурарин арайиъ [хъугъну гъахьидаринна хътругъри гъахьидарин арайиъ] дурарин жараваларин гьякьнаан! Дугъриданра, Аллагьди хъаурдар (дюз рякъюъди) кучIлар апIури шлурна (Аллагьдин гьякьнаан кучIлар апIури) (ва) хътругърайир (терг апIури Дугъан аятар ва субутар)!

Хъа эгер Аллагьдиз ккун гъабхьнийиш Чаз бай гъадагъуз, гьелбетта ктагъуйи Дугъу Чав халкь дапIнайидарикан, чаз фуж ккундуш, гьадму. Тярифлу ву Думу [Аллагь]! Думу – Аллагь, Сар, вари ккагърур.

Халкь гъапIну Дугъу завар ва жил (ва вари дурариъ айибра) гьякьикьиди [къайдайиккна дубхну Чан панагьвалиинди, саб флану мурад-метлеб ади]. Дугъу ккебкра [элебкура] йишвахъди йигъ [мучIу хьуз гъитра] ва йигъахъди ккебкра [элебкура] йишв [йигъ хьуз гъитра]. Ва мютIюгъ гъапIну Дугъу ригъ ва ваз (хайир ва мянфяаьт кайиб гъапIну): гьарсаб (дурарикан) [ригъра ва вазра] гьяракатнаъ а дебккнайи вахтназкьан [Гъиямат Йигъ улубкьайизкьан]. (Аьгъю йибхьай) Думу – варитIан заанур, аьхючIвади хил алдабгърур (Чахьинди илтIикIурайидарилан туба апIури)!

Халкь гъапIну Дугъу учву (гьей, инсанар) сар адмийикан [Адамдикан] ва хъасин гъапIну дугъкан дугъаз тайра [Гьява] ва хъасин гьаъну [тувну] учвуз мал-къарайикан миржиб жут-жутди [жили деве, хпи деве, жерд, хюни, якъ, марчч, кьун ва цIигь]. Халкь апIура Дугъу [Аллагьди] учву гъянариъ ичв бабарин сабдихъди-саб халкь апIури шубуб халиъ [инсан арайиз гъюру халиъ, гъянан халиъ ва фунин халиъ]. Магьан гьамцир ву Думу учвуз Аллагь, Первердигар ичв; Гьадгъан (хлиъ а) мулк (вари), адар жара первердигар, ДумутIан савайи (ибадатназ лайикь вуйир); пагь фукьан ярхла духьнаданчвахъа (Гьякьикьатдихьан, думу учвухьна дурубкьнашра)!

Эгер учву (гьей, инсанар) хътругъри гъахьиш, Аллагь учвкан рази хьидар, ва Думу Чан лукIарин кяфирвалиинра [дурарин хътругърайивалиинра] рази вуйир дар. Хъа эгер учву шюкюр апIури гъахьиш, Думу учв’ин рази хьиди. Ва гъагъар гъахурайирира гъабхидар жараринуб [гьарури чахъанди жаваб тувди]. Хъасин ичв Первердигарихьна (ву) ичв хътаркувал. Ва Дугъу ктибтиди учвуз гьапIри гъахьнуш учву [жилиин]. Дугъриданра, Дугъаз аьгъя мухрариъ [юкIвариъ] айибдикан [Чав халкь дапIнайидарин].

Хъа хатIа-бала гъафи вахтна инсандиина, илтIикIура думу (дюаьчиди) Чан Первердигарихьинди (кюмек ккун апIури), илтIикIури (анжагъ) Гьадгъахьинди. Хъасин, Дугъу тувбахъан дугъаз неъмат Чахьан [ярхла дапIну хатIа-бала дугъ’ин улубкьу]; дугъу (хътругърайири) кIваълан гьапIра) цIийина чав Дугъахьинди дюаьчиди илтIикIуб, ва жарадарра Аллагьдихъди сабси дисура, алдаъбан бадали (жара инсанарра) (дюз) рякълан. Йип (дугъаз) (я, Гьаънайир): «Ишлетмиш апIин яв кяфирвал [хътругърайивал] саб (бицIи) вахтна [яв аьхир гъяйиз], дугъриданра, уву (хьидива хъасин) жегьеннемагьлийирикан!»

(Гьаму хътругърайир ужу вуйин) дарш тамамди гъуллугънаъ айир (ибадат апIури) (Аллагьдиз) гьацIишвари, сужда апIури [йивури йишваъ кIул] ва адаури (йишвар) (гъудгнар апIури), ихтият апIури (аьзабнахьан) Аьхиратдин ва киври миж рягьматнак чан Первердигарин? Йип (я, Гьаънайир): «Яраб барабар хьуз мумкин вуйкIан аьгъюдарна (чпин Первердигар ва дин), ва (фукIа) аьгъдрудар (чпин Первердигариканна ва диндикан)?» Хъа аннамиш апIурайидар (назирвалар) [дидкан хайир ктабгъурайидар] анжагъ аькьюл айидартIан дар.

Йип (я, Гьаънайир) (Узу кIурайиб): «Гьей, Йиз лукIар, ихтият апIинай (аьзабнахьан) ичв Первердигарин! Уж’вал апIури гъахьидариз му дюн’яйиъ, (Аьхиратдиъра) уж’вал (хьиди), ва (фицики) жилра Аллагьди ккатIабццна (наанди ккундуш, гьадинди кючмиш духьну, азадвалиинди ибадат апIбан бадали учву Аллагьдиз). Дугъриданра, сабур апIури гъахьидариз [агь апIури Аллагьдин разивал бадали] тувди дурариз ужара сургъи-гьисабкьан гъадрабгъди!»

Йип (я, Гьаънайир) (инсанариз): «Дугъриданра, узуз амур дапIна ибадат апIин кIури Аллагьдиз, хъапIри дин анжагъ Гьадму бадали,

ва мусурмнариканра сарпир йихь кIури амур дапIна».

Йип (я, Гьаънайир) (инсанариз): «Узуз гучIуразуз, эгер узу хъпрекъиш Первердигарихъ йиз, (улубкьур кIури уз’ин) аьзаб аьхю йигъандин [Гъиямат Йигъандин]».

Йип (я, Гьаънайир): «(Анжагъ) АллагьдизтIан ибадат апIурадарза, йиз дин Гьадму бадали хъапIри.

Ибадат апIинай (гьей, бутпересар), фтиз ккундуш Дугъан ерина (ва хъасин учвуз аьгъю хьидичвуз, фу саягъ писди думу ичв уларианди гъидиш, алахъу вахтна учву ичв Первердигарихъди Гъиямат Йигъан)!» Йип: (дурариз) (я, Гьаънайир): «Дугъриданра [дюзди кIуруш] заралнаъ ахьдар – дурар чиб-чпиз зарал тувдар ву (учIвну Жегьеннемдиъ) ва чпин хизанариз [дурар хал-хизандихьан хьиди] Гъиямат Йигъан. Хъа, ав! Магьан думу рябкъну вуйи зарал (ву)!

Дурариин [заралнаъ ахьдариин] (хьиди) (Гъиямат Йигъан) чардгъар цIикан вуйи, ва кIанаккра дурарин (хьиди) чардгъар». Мидихъди [гьамциб аьзабнахъди] гучI ккипра Аллагьди Чан лукIариз. Гьей, Йиз лукIар, ихтият апIинай Узхьан [Йиз аьзабнахьан] (тамам апIури Йиз амрар ва ярхла шули Узу гьярам дапIнайи ляхнарихьан)!

Хъа ярхла гъахьидариз тIагъутдихьан [кучIлиаллагьдихьан], ибадат дарапIбан бадали дугъаз, ва илтIикIдариз Аллагьдихьинди (туба апIури), дурариз – шаду хабар (дюн’яйиъси, Аьхиратдиъра). Шад апIин (я, Пайгъамбар) лукIар Йиз,

хъпехъурайи гафнахъ ва дидкан варитIан ужубдихъди гъягъюрайи [варитIан ужуб гафнахъди – Гафнахъди Аллагьдин ва хъасин гафнахъди Дугъан Гьаънайирин]! Дицистар – дурар Аллагьди (дюз рякъ’ин) алаъдар ву, ва дицистар – дурар фагьум-фикир айидар ву.

Яраб аьзабнан гьякьнаан тувнайи гаф чарасуз вуйириз [инкар вуйириз ва ярхла вуйириз Гьякьикьатдихьан]… Яраб уву уьрхюйкIан (я, Гьаънайир) ЦIиъ айидар [яраб шуйкIан увхьан Аллагьди Жегьеннемдиъ хьидичва дупну гаф тувнайидар, дюз рякъ’ин алауз]?

Хъа ихтият гъапIдариз (аьзабнахьан) чпин Первердигарин (ибадат апIури ва мютIюгълуди анжагъ Гьадгъаз), дурариз (Женнетдиъ) – ужагъар [утагъар], саб-сабдин зиин дивнайи, (наан) дурарин кIанакк [дараматарин ва гьарарин] ахмиш шулаш нирар, Аллагьди гаф тувнайи (дурариз) – Аллагь тувнайи гаф чIюбгърур дар!

Яраб гъябкъюндайкIан увуз, Аллагьди гьапIуб зав’ан [дифаригъян] шид [мархь] ва хъапIуб думу жилиин али булагъарихъна? Хъасин адаура Дугъу дид’ан думу себеб вуди жюрбежюр рангарин мягьсулар. Хъасин (вари) дурар чурхура, ва рябкъюравуз увуз думу гъатхьу дубхьну, хъасин илтIибкIура Дугъу думу жвулли лембейиз. Дугъриданра, мидиъ – саб вуди, зикир аькьюл айидариз!

Яраб Исламдиз Аллагьди мухур [юкIв] ачухъ гъапIурна [тамамди мютIюгъ хьпан бадали думу Чаз] ва Чан Первердигарихьан вуйи нур хьайир [аьгъювалар айир Дугъканна ва Дугъан Кьур’андикан], (барабар хьуз мумкин вуйкIан Аллагьди иман кьисмат дарапIуриз)? Аллагь бадали вуйи зикрин гьякьнаан юкIвар уркънайидариз дерд [аьгь апIуз даршлу аьзаб] ву айиб! Дицистар – (дурар) рябкъну вуди ургнайидар (ву).

Аллагьди гьапIну варитIан ужуб гьядиса [Кьур’ан] – китаб саб-сабдиз ухшар вуйи, (ва) текрар шулайи паяр ади, жандилан зегьле гъябгъюз гъитри шлу чпин Первердигарихьан гучIурайидарин. Хъасин гъюлдал шула дурарин лиъ ва юкIвар Аллагь бадали вуйи зикрихьна (ебхьру вахтна дурариз Женнетдикан Аллагьди гаф тувнайи). Му (мициб эсер апIувал Кьур’анди) гьидая (ву) Аллагьдихьан (вуйи). Хъаъра Дугъу дидихъди [Кьур’андихъди], Чаз фуж ккундуш, гьадму. Хъа Аллагьди ургуз гъитур [дюз рякълан алдаур], гьич шлихьанкIа алауз хьидар!

Гъиямат Йигъан чан машнахъди пис аьзабнаккан ккудучIвуз чара апIурайир, барабар вуйинхъа (Женнетдиъ неззетар ктагъурайириз)? Ва пиди (думу йигъан) зулумкрариз [бутпересариз]: «Дадмиш апIинай [натижа] думу [гунгьарин], учву гъазанмиш гъапIу (ичв уьмриъ)!»

Мидиз улихьна яшамиш шули гъахьидарира гьисаб гъапIну кучIляхярси (гьаънайидар), ва гъафну дурарихьна аьзаб, гьич гъиди кIури хиял даришвхьанди [хабарсузди].

Ва гъитну Аллагьди дурарихь дадмиш апIуз аьйиб [ужузвал] (гьелелиг) дюн’яйиъ имбиди, хъа гьелбетта Аьхиратдин аьзаб хъана аьхюб ву, (агь) эгер аьгъяйиш дурариз (дидкан)!

Ва магьан сарун гъахунча Учу инсанариз му Кьур’андиъ бязи меселйир [жюрбежюр насигьятнан ихтилатар ва заан дережайин чешнийир], дурари зикир апIбан бадали (ва ярхла хьпан бадали чпин хътругърайивалихьан)!

(Ва гъапIунча думу) Кьур’ан аьраб чIалниинди, гьич фицибкIа цIакувал ктарди, дурари ихтият апIбан бадали (аьзабнахьан) Аллагьдин!

Хура Аллагьди месела вуди жилижви [лукI] (сабйишв’инди хайлиндари кIул’ин эйсивал апIурайи), шлин гьякьнаан шерикари [дугъан эйсйири] гьюжатар апIураш (хъа думу авара духьну а, фици дурарин варидарин разиваликк ккуркьзакIа кIури), ва жвилижви, шлин кIул’ин эйсивал апIураш (анжагъ) сар касди (ва агьюр фу ккундаш чакан чан эйсийиз). Барабар вуйинхъа дурар меселайиинди? (ИкибаштIан, ваъ. Гьадму саягъ бутпересра авара духьна ва шаклувалиъ утIугъна, хъа хъугънайир инанмиш ву ва сикинди а). Гьямд ибшри (анжагъ) (сар) Аллагьдиз! Амма хайлиндариз дурарикан [бутпересарикан] аьгъдар [гьякьикьат] (гъягъбан бадали дидихъди).

Дугъриданра, увура (я, Гьаънайир) йикIрур вува, ва дугъриданра, дурарра йихрудар ву.

Хъасин учву (гьей, инсанар) Гъиямат Йигъан хьидичва гьюжатнаъ улихь ичв Первердигарин.

Аллагьдин гьякьнаан кадруб дупну ва гьякь чахьна гъюбхъан думу кучIалси гьисаб гъапIуртIан ахю зулумкар фуж вухъа? Яраб Жегьеннемдиъ айиб дайкIан дарш кяфирар [хътругърайидар] хътаркру йишв?

Гьякь хьади гъафирра, ва думу гьякь вуйиб тасдикь гъапIурра, икибаштIан ихтият апIурайидар ву (аьзабнахьан) (Аллагьдин).

Дурариз (Женнетдиъ) (хьиди) фу ккундуш, гьадму чпин Первердигарихь. Думу (гьамциб ву думу) – ужуб апIури гъахьидариз айи ужара,

дурари гъапIу ляхнар-карарикан варитIан писубдилан хил алдабгъбан бадали Аллагьи, ва тувну дурариз чпин ужара, дурари гъапIу ляхнар-карарикан варитIан ужубдихъанди [тувбан бадали дурариз Женнет].

Яраб Аллагь чIяаьн дайкIан дарш Дугъан лукIраз (валиси ва уьхрурси)? Хъа дурари [бутпересари] гучIар ккаъра увуз ДумутIан асккандарихъди. Хъа Аллагьди ургуз гъитур [дюз рякълан алдаур], гьич шлихьанкIа алауз хьидар!

Хъа Аллагьди алаур [дюз рякъ’ин], шлихьанкIа алдаузра хьидар. Яраб Аллагь дайкIан дарш Аьзизур (аьзабламиш апIувалин гьякьнаан кяфирар) (ва) кьисас алдабгъуз удукьрур?

Хъа эгер уву (я, Пайгъамбар) гьерхиш дурарихьан [думу бутпересарихьан]: «Фуж ву халкь гъапIур завар ва жил?» – дурари, гьелбетта пиди: «Аллагь». Йип (дурариз): «Аллагьдин ерина, шлиз учву ибадат апIураш фикир гъапIунчвахъа, – эгер ккун гъабхьиш Аллагьдиз узуз (саб фицибкIа) зарал тувуз, ккадаидиянхъа дурари (узу) Дугъан (думу) заралнаккан? Ясана, эгер ккун гъабхьиш Дугъаз тувуз узуз (саб фицибкIа) рягьмат, дибисну дебккдиянхъа дурари (думу) Дугъан рягьмат?» (ИкибаштIан дурари пиди: «Ваъ, гьякалжасадарихьан думу шлуб дар».) Йип: «ЧIяаьн вузуз (анжагъ) (сар) Аллагь, шлиина тавакъу апIури шулуш тавакъу апIурайидари!».

Йип (я, Гьаънайир) (бутпересариз): «Гьей, йиз халкь! Ичв дюз гъюруганси апIинай лигну ичв мумкинвалариз, (ва) дугъриданра узура (йиз Первердигари узуз амур дапIнайиганси) апIидиза. Ва багарихьди учвуз аьгъю хьидичвуз,

шлихьна (ухькан) гъидиш аьзаб, думу ужуз апIру (гьелелиг дюн’яйиъ имбиди) ва шлиин хьидиш гьаммишанлугъ вуйи аьзаб [аьзаб Аьхиратдин]».

Дугъриданра, гьапIунча Учу увуз (я, Гьаънайир) Китаб [Кьур’ан] инсанариз кIури гьякьра ади. Хъа фуж гъушиш дюз рякъюъди [рякъюъди Аллагьдин], думу чав учв бадали вуйиб (ву), хъа фуж улдугиш, улдугиди думу учв чаз къаршуди [чан заралназ]; ва уву (я, Гьаънайир) дарва дурарин вакил [увкан тIалаб дапIнадар апIин дупну дурарикан хъугънайидар] (уву анжагъ ГьаънайиртIан дара Аллагьдихьан, ва Дугъу амур дапIнайибтIан уву дурарихьна рубкьурадара).

Аллагьди кьабул апIура [адагъура] рюгьяр Чан лукIарин дурар йикIурайи арайиъ [гъафи вахтна уьмрин аьхир]. [Ва дидиз аьхюди йикIувал кIуру]. Хъа гьатмуну (рюгь), (гьелелиг) аьжал кьисмат дубхьнадруб, (Дугъу адабгъура) нивкIуъ айи вахтна. [НивкIуъ айи вахтна рюгь удубчIвура жандиан.] [Ва дидиз бицIиди йикIувал кIуру]. Хъа аьжал кьисмат гъабхьи (рюгь), Дугъу (нивкIуъ айи вахтна) дибисну гъибтра [гъибтрадар дидихь кьяляхъ убчIвуз жандиъ], ва гьапIра [тIапIра] (жандиъ) жара (рюгь) [гьелелиг аьжал кьисмат дубхьнадруб] саб флану вахтназ [дугъан уьмрин аьхир гъяйиз]. Дугъриданра, мидиъ [рюгьяр адагъувалиъ гъакIиринна ва даахнайирин] гьелбетта аятар [рябкъну вуйи насигьятар ва субутар] фикир апIурайи инсанариз!

Ясана дурари [бутпересари] Аллагьдин ерина (чпиз) жара (чпин гьякалжасадар) гъадагънийкIан шафааьтчйирди? Йип (дурариз) (я, Гьаънайир): «Яраб учву (дурар шафааьтчйирди гъадагъуйкIан учву кIурайиганси) дурарин хлиъ фукIа айиб адаршра, я аькьюл айидар даршра [дурар гъавриъ адаршра, чпиз учву ибадат апIурайибдин]?»

Йип (я, Гьаънайир) (думу бутпересариз): «Аллагьдин хлиъ айиб ву вари шафааьт [гьич шлихьанкIа шафааьт апIуз шулдар Дугъан ихтияр дарди]. Гьадгъан (хлиъ а) (вари) мал-мулк завариъра ва жилиинра, хъасин (Гъиямат Йигъан) Дугъахьна кьяляхъ хъади гъидичва (гьякь-гьисаб дапIну, жазаламиш апIуз)».

Ва кIваина хру вахтна (анжагъ) сар Аллагь, даккнишин абхъра Аьхиратдихъ хътругърайидарин юкIвариъ. Хъа кIваина хру вахтна Аллагьдин ерина имбудар [чпин гьякалжасадар], ­– магьан дурар шадну тIирхура (фицики дурарин бутпересвал барабар ву герексуз мурадариз).

Йип: «Я Аллагь, Халикь заваринна ва жилин, Рябкъюрайир жинибра ва ашкарди вуйибра! (Дюн’яйиъ имбиди) Яв лукIарин арайиъ ади гъахьи гьюжатарин гьякьнаан, Уву гьюкум апIидива».

Хъа эгер зулум апIури гъахьидарин [бутпересарин], ади гъабхьнийиш жилиин аликьа [вари девлетар], ва гьаддихъди хъанара гьадмукьан, гьелбетта хъюгъюйи дурар тувуз думу (ккудучIвбан бадали) пис (жегьеннемдин) аьзабнаккан Гъиямат Йигъан. Ва ашкар гъабхьну [рябкъну вуйиб гъабхьну] дурариз [хътругърайидариз] Аллагьдихьан вуйи [аьзаб], улубкьиди кIури дурари гьисабкьа дарапIри гъабхьиб.

Ва ашкар гъахьну дурариз [хътругърайидариз] (Гъиямат Йигъан) (думу) пис ляхнар-карар [кяфирвал ва Аллагьдихъ хъпрекъувал], дурари гъазанмиш гъапIу (жилиин илимбиди), ва улубкьну дурариин думу (аьзаб), (цIийина) чпи кялхъри гъахьи.

Ва кубкIу вахтна инсандик бала-кьаза, думу илтIикIура [дюаьчиди] Учухьинди (кюмек ккун апIури). Хъасин, туву вахтна дугъаз неъмат Учхьан вуйи [ярхла гъапIу вахтна дугъхьан думу бала-кьаза], дугъу кIура: «Му тувнайиб ву узуз илмиз лигну (узу дидиз лайикь вуйиб аьгъюган Аллагьдиз)». Хъа, ваъ, фицики думу – футна (фуж лукIарикан шюкюр апIрур вуш, хъа фуж хътругърайир вуш ашкар апIурайи), хъа амма хайлиндариз (авамвалиъ утIугъну айиган) аьгъдар (дидкан) (ари гьадмуган имтигьян дурари неъматси гьисаб апIура).

Дици кIури гъахьну (хътругъри гъахьи улматарира), дурарин улихьна (яшамиш) гъахьи, ва гъюрхюндар дурар (аьзабнахьан Аллагьдин) дурари гъазанмиш гъапIубди [я веледари, я девлетну].

Ва гъафну дурариина [цIийинадин улматарикан дици кIури гъахьидариина] (натижа) пис ляхнар-карарин, дурари гъазанмиш гъапIу. Ва зулум апIури гъахьидариинара дурарикан [кьурайшйирикан], – дурариинара гъиди (натижа) пис ляхнар-карарин, дурари гъазанмиш гъапIу, ва хьидар дурар (Дугъан аьзаб) яваш апIуз шлу гьялнаъ [хьидар ккудучIвуз дидккан].

Яраб аьгъдайкIан дурариз Аллагьди ризкь артухъра вая камра апIури шлуб (Чан лукIарикан) шлиз ккундуш, гьадгъаз [[Артухъ апIура, шюкюр апIуруш лигбан бадали, хъа кам апIура, сабур апIуруш лигбан бадали.]] Дугъриданра, мидиъ [ризкь артугъ апIбаъна кам апIбаъ] – саб вуди, аят инсанариз хъугърайи (ва аьгъю панагьваликан ва рягьматнакан Аллагьдин)!

Йип (я, Гьаънайир) (Узу кIурайиб): «Гьей, Йиз лукIар, кьадар адрукьан (гунгьар апIури гъузну), зарал тувдар нефесариз, умуд [миж] макадабтIанай рягьматнакан Аллагьдин! Дугъриданра, Аллагь тамам вуди гунгьарилан хил алдабгърур ву (Чахьинди илтIикIурайидарин туба апIури, дилригди гунгьарин кьадарназ): дугъриданра, Думу – Хил алдабгърур, Рягьимлур!

Ва илтIикIай (гьей, инсанар) ичв Первердигарихьинди (туба апIури) ва табигъ [мютIюгъ] йихьай Дугъаз вахт улихь, учвухьна аьзаб гъяйиз, (фицики) хъасин [аьзаб гъафи вахтна] (сарун) учвуз кюмек адар.

Ва гъарахай варитIан ужубдихъди, гьапIнайибдикан учвуз ичв Первердигари, сифтена-сифте учвухьна аьзаб гъяйиз сабпну, гъюрайибкьан учвуз хабар дарди.

даркIбан бадали (хъасин) рюгьну [инсанди]: «Ухь, дерд гъядябхъюб (узуз), узу хъебрехъбан кIуллан [жилиин] Аллагьдихъ. Ва фицики узу кялхърудариканра вуйза (аьлхъюри Аллагьдин амрариин, Дугъан Китабдиин, Дугъан Гьаънайидариин ва хъугънайидариин)».

Ясана (даркIбан бадали инсанди): «Эгер Аллагьди алаънийиш узу (дюз рякъ’ин), гьелбетта хьидийза узуз ихитият апIури гъахьидарикан (аьзабнахьан Аллагьдин)».

Ясана (даркIбан бадали инсанди), гъябкъю вахтна аьзаб (Аллагьдин) (гургутум дугълан илтIибкIру Гъиямат Йигъан): «(Агь), эгер узуз (мумкинвал ккабхънийиш (яшамиш хьуз дюн’яйиъ) сабсан ражну, уж’вал апIрударикан хьидийза!»

Хъа, ваъ! Фицики гъафнийи увухьна Йиз аятар (улупурайи фу вуш дюз рякъ), хъа уву дурар кучIларси гьисаб гъапIунва, ва такабурвалра гъапIунва, ва гъахьунва хътругъдарикан [кяфирарикан].

Ва Гъиямат Йигъан увуз рякъидивуз Аллагьдин гьякьнаан кIучлар апIури гъахьидар, кIару духьнайи машар гъяди. Яраб Жегьеннемдиъ айиб дайкIан дарш такабурарин утагъ?

Ва уьрхиди Аллагьди (аьзабнахьан Жегьеннемдин) ихитият апIури гъахьидар (Чан аьзабнахьан), дурарин хъуркьувал себеб вуди [мурад-метлебнахъ дюн’яйиъра ва аьхиратдиъра]. КубкIидар дурарик писвал [аьзаб Жегьеннемдин гьич ткисибкьан], я дурар пашманра апIидар.

Аллагь – Халикь ву гьарсаб шейънан, ва Думу гьарсаб шейънан вакилра ву!

Гьадму ву эйси ачрарин заварин ва жилин. Хъа хътругърайидар аятарихъ Аллагьдин [аятарихъ Кьур’андин], дурар заралнаъ ахьдар ву (гьаму дюн’яйиъси Аьхиратдиъра).

Йип (я, Гьаънайир) (думу бутпересариз): «Яраб Аллагьдин, ерина шлизкIа жарариз ибадат апIин кIури амур апIуйкIан учву узуз, гьей авамар [бендегюрар]?»

Ва сарун дупна аят гьапIбиинди увузра (я, Пайгъамбар) ва гьатмуну (пайгъамбраризра) яв улихьна (гъахьи): «Эгер тевиш уву (Аллагьдиз) (барабарди) шерикар [нагагь уву Дугъан ерина гьич фужкIа кьабул гъапIиш первердигарси], гьелбетта яв ляхнар-карар бедгьавайиди гъапIдар хьиди [вари яв ужудар ляхнар-карар гьич фтинкIа ккадрудар хьиди], хъа (дици гъабхьиш) чарасуз хьидива уву заралнаъ ахъдарикан (гьаму дюн'яйиъси Аьхиратдиъра)».

Аькси вуди, (анжагъ) АллагьдизтIан ибадат мапIан ва шюкюр апIрударикан йихь!

Ва гьяспикк ккаундар Аллагь дурари [бутпересари] лазим вуйи кьадар, хъа (Дугъан аьхювал гьациб вуки), Гъиямат Йигъан вари жил (хьиди) каркаъ (Дугъан хлиъ), ва заварра (хьиди) жвар тувну Дугъу [арчул хлихъди]. Тярифлу ву Думу, ва дурари [бутпересари] (Дугъахъди) теврайи шерикартIан заан ву!

Ва апIиди уф КIарчназ (сабпи ражари), ва алдакиди (кьюркьлин цIа кубкIу саягъ) [йихиди] завариъ айидарра [малайикарра], ва жилиин алидарра, Аллагьди (чIивиди гъитбанди) гъапIдар ктарди [сякьюдар малайикарна, женнетдин гьюриперйирна ва гь.ж.]. Хъасин сабсан ражну уф апIиди КIарчназ (чIиви апIбан бадали вари дийихнайидар), ва магьан – дурар [чIиви апIбахъан] (хьиди) дийигъну, лигури (гьапIдикIа кIури чпикан).

Ва (Гъиямат Йигъан) аку хьиди жил нурнахъди Первердигарин дидин (гъафи вахтна Думу кьазивал апIуз), ва дивну хьиди китаб [гъапIу ляхнар кайи дафтрар гьарурин] (гьисаб-суал апIбан бадали), ва хъади гъиди пайгъамбрар (шагьидвал апIбан бадали чпин улматарин гьякьнаан гъурубкьунча кIури дурарихьна чпиз Аллагьди амур гъапIуб) ва шагьидар [бикIури гъахьи малайикар], ва гьякь апIиди дурарин арайиъ дугъривалиинди, ва дурариз зулумра апIидар [ужудар ляхнар дурарин камра апIидар, я дарапIубдихъанди дурар аьзабламишра апIидар].

Ва тувди тамам вуди гьарсаб рюгьназ, диди гъапIубдихъанди. Ва Дугъаз [Аллагьдиз] ужуди аьгъя дурари апIурайи ляхнарикан.

Ва хъаъди хътругъдар [кяфирар] Жегьеннемдихьна рутарди [гъварч-гъварчди]; ва гъафи вахтна дурар дидихьна [Жегьеннемдихьна], тIаъди гъапйир [урчар] дидин [ургуд урчIар Жегьеннемдин], ва пиди дурариз [хътругъдариз (кяфирариз)] дидин гъаравлари: «Яраб гъафундайкIан дарш учвухьна гьаънайидар (Аллагьдихьан) ичв (учвкан), урхури учвуз аятар ичв Первердигарин (Дугъу гьаъну гъахьи учвуз) ва вахт улихь хабар дебккри алахъидичва кIури му йигъахъди?» Пиди дурари: «Ав, (гъафунчухьна ва улихьмиди хабарра дебккунчуз)». Хъа амма чарасуз вуйиб ву [дигиш шлуб дар] гаф (тувнайи Аллагьди) аьзабнан гьякьнаан хътругъдариз [кяфирариз]! [Гаф тувну Аллагьди аьзабламиш апIидиза дупну хътругъдар [кяфирар], хъа Аллагь Чав тувнайи гаф чIюбгърур дар.]

Ва пиди хътругъдариз [кяфирариз]: «УчIвай гъапйириъ [урчIариъ] Жегьеннемдин, ва (хьидичва) душваъ гъузну даимлугъ». Пагь (фукьан) кифир йишв даринхъа такабурарин утагъ!

Ва ихтият апIури гъахьидар (аьзабнахьан) чпин Первердигарин, рутарди [гъвар-гъварчди] алаиди рякъ’ин Женнетдиз. Ва гъафи вахтна дурар дидихьна [Женнетдихьна], тIаъди гъапйир [урчар] дидин, ва пиди дурариз [дуфнайидариз] дидин гъаравлари [малайикари]: «Саламун аьлайкум! Бахтаврар! УчIвай (Бахтнан Утагъдиъ) гъузузди даимлугъ!»

Ва пиди дурари [хъугъну гъахьидари] (гъябкъю вахтна чпиз гьязур дапIнайиб чпин Первердигари Женнетдиъ): «Гьямд ибшри Аллагьдиз, Чав туву гаф тамам гъапIу ва ирсси учуз (женнетдин) жил туву. Хьидича Женнетдиъ, кIваз хуш вуйишваъ дуланмиш шули». Ва пагь фукьан успагьиб даринхъа [Аллагь бадали] жафа зигури гъахьидарин ужара!

Ва рякъидивуз увуз (я, Пайгъамбар) малайикар, тяриф апIурайи чпин Первердигарин, илтIикIну гургутум Аьршдилан (Аллагьдин), Дугъаз гьямд апIури. Ва гьякь апIиди дурарин арайиъ дугъривалиинди (дурарикан сасдар тIаъди Женнетдиъ, хъа сасдарса – Жегьеннемдиъ), ва пиди (хъугъну гъахьидари): «Гьямд ибшри Аллагьдиз, Первердигариз аьламарин!»